SAY LIBRO NEN MORMON

Atagey ya Inkasacerdote 20
Saray masanto a kasulatan sasalitaen
to so “atagey a sacerdote” ed duara a
pamaakaran: (1) sakey a pakaoley ed
Inkasacerdote nen Melquisedec; tan (2)
dia ed silong na gangan nen Moises,
say manañgipañgulo ed Inkasacerdote
nen Aaron.
Say unaan a pakatalus so onkana ed
si Jesu Cristo lapu ed sikato so Atagey
a Sacerdote. Si Adan tan amin a patriarka
so atagey a sacerdote met. Natan,
talora a manañgipañgulo ya atagey a
sacerdote so manotugyop ed say Inkapañgulo
na Simbaan tan sikara so
mañgipapañgulo ed amin a mambebemben
na inkasacerdote tan saray
miembro na Simbaan. Saray kaaruman
a manepeg a lalaki so naordinan ya atagey
a sacerdote no kaukolan ed lapag
na Simbaan natan. Saray atagey a sacerdote
so nayari a natawag, nibiig,
tan naordinan ya obispo (D&P 68:19;
107:69–71).
Dia ed komadua a pakatalus, dia ed
silong na gangan nen Moises, say manañgipañgulo
ed Inkasacerdote nen
Aaron so atawag ya atagey a sacerdote.
Saya a pakaoley so natawir tan saya
so niiter ed pañguloan ya inianak ed
limog na boleg nen Aaron, lapu ed si
Aaron so unaan ya atagey a sacerdote
ed gangan nen Aaron (Ex. 28; 29; Lev.
8; D&P 84:18).
Si Melquisedec so sacerdote na sankaatageyan
a Dios, Gen. 14:18 (Alma
13:14). Saray atagey a sacerdote so
atawag tan niparaan la manlapu ed
inkiletneg na mundo, Alma 13:1–10.
Saray atagey a sacerdote so mantalima
ed saray maespiritu a beñgatla, D&P
107:10, 12, 17.
ATAGEY YA INKASACERDOTE.
Nengneñgen so Inkasacerdote nen
Melquisedec
ATATENG. Nengneñgen met so Ama,
Makaraldalin ya; Ina
Saray ama tan saray ina. Saray manepeg
ya asawa a laki tan asawa a bii a
makanepegan ya apaeletan ed impankasal
da ed templo na Dios so nayari a
nagenap da so pasen da ya ateng anga
ed andi-angaan.
Sikayo ya anak, onoren yo so saray
ateng yo, Efe. 6:1–3 (Col. 3:20). Si Adan
tan si Eva so unaan ya ateng tayo,
1 Ne. 5:11. Say ayew so nayari a wala
ed tapew na ulo na saray ateng yo,
2 Ne. 4:6. Bañgatan so saray ateng a
mambabawi tan mampabiniag, Moro.
8:10. Saray atateng so nigangan a mambañgat
na evangelio ed saray anak da,
D&P 68:25. Amin ya anak wala so pibibiang
da ed saray ateng da, D&P
83:4. Saray kasalanan na saray ateng
ag nayari ya ebatan ed ulo na saray
anak, Moises 6:54.
AWARAN, SARAY
Saray duara a libro dia ed Daan a Sipan.
Saraya so mañgiter na antikey ya
awaran na saray agaw-gawa manlapu
ed Impamalsa ya anga ed impañgipaakseb
nen Ciro na panabuloy ed saray
Judio ya ompawil ed Jerusalem.
Unaan ya Awaran: Saray tekap 1–9 so
listaan na saray kapolian manlapu ed
si Adan anga ed si Saul. Say tekap 10
so awaran na impatey nen Saul. Saray
tekap 11–12 itunton to so saray gagawgawa
nipaakar ed impanoley nen
David. Saray tekap 23–27 so mañgipaliwawa
a si Solomon so ginawa ya ari
tan saray Levitas so nigena ed uksoy.
Say tekap 28 so mañgipaliwawa a si
David ingangan to si Solomon a mañgipaalagey
na templo. Say tekap 29
akasulat so impatey nen David.
Komadua ya Awaran: Saray tekap 1–9
itunton to so saray agaw-gawa nipaakar
ed impanoley nen Solomon. Saray
tekap 10–12 ibabaga to so impanoley
nen Roboam, a legan na saya say nanoolop
a panarian na Israel so apaldua
ed mamabaybay tan mamaabalaten a
panarian. Saray tekap 13–36 so mañgipaliwawa
na saray impanoley na saray
nankakapiga ya arari anga ed impakadakep
nen Nabucodonosor ed
panarian na Juda. Say libro nansampot