SAY LIBRO NEN MORMON

81 Helaman,Saray Lalaki ya Anak nen
HEBRON
Sakey a kadaanan a ciudad ed Juda,
talomplo tan dua a kilometro ed abalaten
na Jerusalem. Saya so pasen ya
añgipumponan ed si Abraham tan say
boleg to (Gen. 49:29–32). Saya so capitulyo
nen David legan na unaan a taon
na impanoley to (2 Sam. 5:3–5).
HELAMAN, LAKI YA ANAK NEN
ALMA. Nengneñgen met so Alma,
Laki ya Anak nen Alma; Anti-
Nephi-Lehies; Helaman, Saray
Lalaki ya Anak nen
Dia ed Libro nen Mormon, say sankapañguloanan
a laki ya anak nen Alma,
laki ya anak nen Alma (Alma 31:7). Si
Helaman so sakey a profeta tan manañgipañgulo
na saray ñgayew.
Si Alma inmatalek to ed anak to a laki
a si Helaman so saray kasulatan na
totoo to tan saray piligo na Jaredites,
Alma 37:1–2, 21. Si Alma ginangan
to si Helaman ya ituloy to so mansulat
na awaran na saray totoo to, Alma 45–
62. Si Helaman inletneg to lamet so
Simbaan, Alma 45:22–23. Duara a libo
a malangwer a managbakal ya Ammonite
so nampilalek a si Helaman
so manmaliw a manañgipañgulo ra,
Alma 53:19, 22. Si Helaman tan saray
malangwer ya Ammonites so akilaban
ed saray Lamanite tan sikara so niagel
ed panamegley na pananisia, Alma
57:19–27.
HELAMAN, LAKI YA ANAK NEN
ARI BENJAMIN. Nengneñgen met
so Benjamin, Ama nen Mosiah
Dia ed Libro nen Mormon, sakey ed
saray talora a lalaki ya anak nen Ari
Benjamin (Mosiah 1:2–8).
HELAMAN, LAKI YA ANAK NEN
HELAMAN
Sakey a profeta tan managsinop na kasulatan
ed Libro nen Mormon a sikato
so nambañgat ed saray totoo a Nephite.
Sikato so laki ya apo nen Alma a Malangwer
tan ama nen Nephi a sikato so
naitdan na pakapanyari ed amin a beñgatla
(Hel. 5–10). Kaiba so anak to a
laki a si Nephi, si Helaman insulat to
so libro nen Helaman.
Say libro nen Helaman: Saray tekap 1–2
ipaliwawa to so panaon na baleg a gotgutan
ed politika. Dia ed saray tekap
3–4 akasulat a si Helaman tan si Moronihah,
manunaan a capitan na saray
ñgayew na Nephite, dia ed kasampotan
agamoran da so kareenan ed agano
a panaon. Bangbalet, angaman ontan
a say impañgipañgulo na saraya a
maong a totoo, saray totoo so nanmaliw
ira a marelmeng. Dia ed tekap 5–6
si Nephi initbanan to so yuroñgan na
panañgokoman, a siñga ginawa nen
laki ya anak to a si Alma, pian mambañgat
ed saray totoo. Dia ed agano a
panaon saray totoo nambabawi ira.
Bangbalet, dia ed saray tekap 6–12,
say bansa na Nephite so nanmaliw a
marelmeng. Saray kasampotan a tekap,
13–16, lugan to so nidumadoma a
kasulatan na sakey a profeta ya atawag
a Samuel a Lamanite a sikato so
añgiprofesiya ed kianak tan pañgipasak
ed krus ed Manañgilaban tan saray
pakapatnagan a mañgiter na tanda
ed saraman ya agawgawa.
HELAMAN, SARAY LALAKI YA
ANAK NEN. Nengneñgen met so
Anti-Nephi-Lehies; Helaman, Laki
ya Anak nen Alma
Dia ed Libro nen Mormon, saray lalaki
ya anak na saray apasimbalo a Lamanite
ya akabatan ya Ammonite a sikara
so nanmaliw a managbakal ed silong
na panagasikaso nen Helaman (Alma
53:16–22).
Si Helaman impasen to ira a manepeg
a natawag ya anak to a lalaki, Alma
56:10. Saray ina ra imbañgat da ira ya
ag manduarua ed pakapanyari na Katawan
a mañgiagel ed sikara, Alma
56:47. Tinalo ra so saray Lamanite tan
sikara so niagel ed panamegley na pananisia
ra kanian angapo so inatey ed
sikara, Alma 56:52–54, 56; 57:26.