SAY LIBRO NEN MORMON

231 Samuel a Lamanite
nailetneg, Isa. 2:2. Dia ed saray sampot
ya agew saray piligro a panaon
so onsabi, 2 Tim. 3:1–7. Saray managlurey
ed kaunoran ya agew ibori da
so Komadua ya Isabi, 2 Ped. 3:3–7.
Siak so mamprofesiya ed sikayo nipaakar
ed saray sampot ya agew, 2 Ne.
26:14–30. Dia ed onia say simbaan ko
so natawag ed saray sampot ya agew,
iñgen Say Simbaan nen Jesu Cristo na
saray Sasantos ed Kaunoran ya Agew,
D&P 115:4. Si Cristo so onsabi ed saray
sampot ya agew, Moises 7:60.
SAMSON
Dia ed Daan a Sipan, say komalabindua
ed “saray okom” na Israel. Sikato
so akabatan lapu ed baleg a biskeg na
laman to, balet sikato so aliwa a makabat
ed arum a panagpili tan kagagawa
na too (Okom 13:24–16:31).
SAMUEL, PROFETA ED DAAN A
SIPAN
Laki ya anak nen Elcana tan Ana, si Samuel
so nianak ya ebat ed pikakasi
nen ina to (1 Sam. 1). Sanen ogaw ni
sikato so initer a kinumponi nen Eli,
say atagey a sacerdote dia ed tabernaculo
ed Siloh (1 Sam. 2:11; 3:1). Say Katawan
tinawagan to si Samuel sanen
sikato so ogaw ni a manmaliw a profeta
(1 Sam. 3). Kasumpal na impatey
nen Eli, si Samuel so nanmaliw a bantog
a profeta tan okom na Israel tan
impawil to so gangan, uksoy, tan andi-saew
a panagpikasi ed relihion dia
ed dalin (1 Sam. 4:15–18; 7:3–17).
Say 1 Samuel 28:5–20 lugan to so
awaran nen Samuel a pinaoli ed bilay
na sakey a manananem ya Endor unong
ed kerew nen Ari Saul. Saya so ag nibaga
a payawar a nanlapu ed Dios, lapu
ed say sakey a manananem odino arum
ya espiritu a manamegley so ag makatanguyor
na sakey a profeta ya ompayawar
ed dili a kerew to (1 Sam. 28:20;
31:1–4).
Saray libro na 1 tan 2 Samuel: Dia ed
arum a Biblia, saray libro na 1 tan
2 Samuel so saksakey labat a libro. Dia
ed arum saraya so duara a libro. Saraya
a libro sakopen to so panaon a ñgalñgali
130 a taon, nanlapu ed inkianak
nen Samuel anga ed sakbay na impatey
nen Ari David.
Say libro na 1 Samuel: Saray tekap 1–4
ipaliwawa to a say Katawan insumpa
to tan dinusa to so boleg nen Eli tan
tinawag to si Samuel a manmaliw ya
atagey a sacerdote tan okom. Saray tekap
4–6 ibaga to no panon a say kaban
na paknaan so naplag ed lima na saray
Filisteos. Saray tekap 7–8 so akasulatan
na saray pasakbay nen Samuel nipaakar
ed saray aliwa a tua a dios tan
sakey a marelmeng ya ari. Saray tekap
9–15 ipaliwawa to so impankorona ed
si Saul tan say impanoley to ya ari. Saray
tekap 16–31 ibaga to so awaran
nen David tan say impakagamor to na
pakapanyari—si Samuel linanaan to
si David a sikato so nampatey ed si
Goliat. Si Saul binusol to si David, balet
si David ag to labay a pateyen si
Saul angaman wala so pankanawnawa
to a gawaen so saya.
Say libro na 2 Samuel: Say libro lugan to
so nidalatdat ya impanoley nen David
ya ari na Juda tan sanen kasampotan
dia ed amin ya Israel. Saray tekap 1–4
ipanengneng to so andokey ya impanlalaban
na saray mananumbok nen
David, kasumpal a sikato so akoronaan
ya ari na Juda, tan saray mananumbok
nen Saul. Saray tekap 5–10 ipanengneng
to a si David so nanmaliw a makapanyari
ed lapag na dakel a bansa. Saray
tekap 11–21 ipanengneng to so inkapoy
na maespiritu a biskeg nen David
lapu ed saray kasalanan to tan say impanalsa
dia ed loob na dili a boleg to.
Saray tekap 22–24 ipaliwawa to so saray
impansali nen David a mangawa
na pipulañgan to ed Katawan.
SAMUEL A LAMANITE
Sakey a Lamanite a profeta dia ed Libro
nen Mormon ya imbaki na Katawan
a mambañgat tan mampasakbay
ed saray Nephite sakbay na ñgalñgali
inkianak na Manañgilaban. Si Samuel
improfesiya to so saray pakapatnagan