SAY LIBRO NEN MORMON

55 1 Nephi 17:54–18:6
limam lamet ed saray agagim,
tan ag ira namagaan ed arap mo,
balet kigtoten ko ra, inkuan na
Katawan, tan saya so gawaen
ko, pian nakabatan da a siak so
Katawan a Dios da.
54 Tan agawa ya iniunat ko so
limak ed saray agagik, tan ag
ira amagaan ed arap ko, balet
say Katawan pinagiwgiw to ra
unong ed salita ya imbalikas to.
55 Tan natan, inkuan da: Kabat
mi a petepeteg a say Katawan
wala ed sika, lapu ed kabat mi
a say pakapanyari na Katawan
so amagiwgiw ed sikami. Tan
sikara so niparukol ed arapan
ko, tan siak la lawari so a igalang
da, balet ag ko nitepel, ya inkuan
ko: Siak so agi yo a laki,
on, angan say agi yo a laki a
yugtan; dia ed ontan, igalang yo
so Katawan a Dios yo, tan pagalañgan
yo so ama tan ina yo,
pian ondukey so saray b agew yo
ed dalin ya iter na Katawan a
Dios yo.
TEKAP 18
Say bapor so asumpal— Say inkianak
nen Jacob tan Joseph so
abitla—Say olop pinmikal paarap
ed dalin a sipan—Saray lalaki ya
anak nen Ishmael tan saray kaasawaan
da akitipon ira ed panliliket
tan panalsa—Si Nephi so binalor
da, tan say bapor so asunson a papawil
na sakey a makapataktakot a
bagyo—Si Nephi so imbulos da,
tan dia ed panamegley na pikakasi
to say bagyo so tinmonda—Saray
totoo so akasabi ed dalin a sipan.
Ñgalñgali 591–589 s.c.
Tan agawa ya añgigalang ira
ed Katawan, tan akila ra ed
siak; tan nankimey kami ed saray
trozo ed nidumaroma ya
inkagawa. Tan say Katawan
impanengneng to ed siak ed
panapanaon no anto a kanengneñgan
so pankimey ko ed saray
trozo ya ikana mi ed bapor.
2 Natan siak, Nephi, ag ko kinimeyan
so saray trozo unong
ed kanengneñgan a naaral na
saray totoo, ni say ginawak so
bapor unong ed kanengneñgan
na saray totoo; balet ginawak so
saya unong ed kanengneñgan
ya impanengneng ed siak na
Katawan; dia ed ontan, saya so
aliwa ya unong ed kanengneñgan
na too.
3 Tan siak, Nephi, linma ak ed
sakey a pukdol a palanang, tan
a
nampikasi ak a palanang ed
Katawan; dia ed onia say Katawan
b impanengneng to ed siak
so saray baleg a beñgatla.
4 Tan agawa a kayarik ya
asumpal so bapor, unong ed
salita na Katawan, saray agagik
anengneng da a maong, tan say
kanengneñgan na inkagawa to
so marakerakep; dia ed onia,
a
nampaabeba ra ed inkasikara a
dili lamet ed arapan na Katawan.
5 Tan agawa a say voces
na Katawan sinmabi ed kinen
amak, a sikami so onla ed bapor.
6 Tan agawa a dia ed kaimbuasan,
kayari ya imparaan mi so
amin a beñgatla, dakel a buñga
55a Gaw. 14:11–15.
b Ex. 20:12;
Mosiah 13:20.
18 3a pmk Pikakasi.
b pmk Puyan.
4a 1 Ne. 16:5.