SAY LIBRO NEN MORMON

Alma 50:37–51:4 466
37 Tan agawa a dia ed saman
lamlamang a taon a saray totoo
na Nephi nipawil ed sikara so
kareenan, a si Nephihah, say
komadua a pañgulo ya okom,
so inatey, a binembenan to so
yuroñgan na panañgokoman ed
nagnap a kaptekan ed arap na
Dios.
38 Manwari ya ontan, ag to
inmabubon ed si Alma a sikato
so mañgisinop ed saray kasulatan
tan saray beñgatla a pinabli
nen Alma tan kaamaan to a
saraya so sankasantosan; dia
ed ontan si Alma initer to so
saraya ed anak to a laki, si
Helaman.
39 Nia, agawa a say anak nen
Nephihah so aturo a mambemben
ed yuroñgan na panañgokoman,
a kasalat nen ama to;
on, sikato so aturo a pañgulo
ya okom tan gobernador na
saray totoo, ed samba tan sagrado
a tutuntonen a sikato so
mañgokom ed inkamatunong,
tan pagnayonen to so kareenan
tan say kawayañgan na saray
totoo, tan iter to ed sikara so saray
masanto a pankanawnawa
amañgigalang ed Katawan a
Dios da, on, tuloñgan tan pagnayonen
to so gagala na Dios
ed amin ya agew to, tan awiten
to so saray mauges ed maptek a
panañgokom unong ed saray
kasalanan da.
40 Natan nia, say ñgaran to Pahoran.
Tan si Pahoran so nambemben
ed niyuroñgan nen ama
to, tan ginapoan to so oley to ed
sampot na komaduamplo tan
apat a taon, ed saray totoo nen
Nephi.
TEKAP 51
Saray totoo na ari inanap da so
pakapasimbalo ed gangan tan pañgitalindeg
na sakey ya ari—Si
Pahoran tan saray totoo a wala ed
kawayañgan so atuloñgan na voces
na saray totoo—Si Moroni pinasuot
to so saray totoo na ari ya iagel
da so bansa ra odino sikara so pateyen
da—Si Amalickiah tan saray
Lamanite asamsam da so dakel ya
asalimbeñgan a ciudad—Si Teancum
naamper to so indugpa na
saray Lamanite tan pinatey to si
Amalickiah ed loob na abong-abong
to ya abel. Ñgalñgali 67–66 s.c.
Tan natan agawa ed ingapo na
komaduamplo tan lima a taon
ya oley na saray okom ed saray
totoo nen Nephi, lapu ed niletneg
da so kareenan ed baetan
na saray totoo na Lehi tan saray
totoo na Morianton nipaakar
ed saray dalin da, tan ingapo ra
so komaduamplo tan lima a
taon ed kareenan;
2 Manwari ya ontan, ag nambayag
so impagnayon na nagnap
a kareenan ed saman a dalin,
tan wala so ginmapo a baliñgaan
ed limog na saray totoo
nipaakar ed say pañgulo ya
okom a si Pahoran; tan nia, wala
so kabiañgan na saray totoo a
pilalek da a pigara a kabiañgan
na gangan so nepeg a nauman.
3 Balet nia, si Pahoran ag to
umanen ni say nitepel to a say
gangan so nauman; dia ed ontan,
ag to dineñgel so saray
voces na kerew da nipaakar ed
pañguman na gangan.
4 Dia ed ontan, saraman so