SAY LIBRO NEN MORMON

Panagayaman 192
21:5. Siopaman a mañgawat ed saray
igagangan ko, awaten da ak met, D&P
84:35–38. Siopaman a mañgawat ed
siak, awaten da so saraman so ibabakik,
D&P 112:20. No saray totook ag
da deñgelen so voces na saraman so
totoo ya ingenak, sikara so ag nabendicionan,
D&P 124:45–46.
PANAGAYAMAN. Nengneñgen met
so Boleg
Say panagayaman so kaukolan a centro
na evangelio tan saray kimey na boleg.
Say laki so kaukolan a bulos ed panagayaman
pian paliketen to so asawa to
a bii, Deut. 24:5. Sikato so pinasempet
to ed abong to, Mar. 8:26. Abuloyan a
saray ugogaw naaralan da so mañgipanengneng
na kasimpitan ed panagayaman,
1 Tim. 5:4. Mankalakal, malinis,
managasikaso ed panagayaman, Tito
2:5. Sempet kayo ed panagayaman yo
tan motektek yo so saray beñgatla
sinalitak, 3 Ne. 17:2–3. Impurek ko
ed sikara ya onlaban ira onkana ed
saray asawa ra a bii, tan saray anak
da, tan saray abong da, tan saray panagayaman
da, Morm. 2:23. Saray
ama so nigangan a manseet tan maasikaso
ed panagayaman, D&P 93:43–44,
48–50.
PANAGAYUNO. Nengneñgen so
Ayuno, Panagayuno
PANAGBINIAG NA SARAY
ANKEKELAG YA UGOGAW.
Nengneñgen met so Biniag,
Biniagan—Say biniag ag onkana
ed saray ankekelag ya ugogaw;
Ebatan, Wala so Eebatan,
Kipapasen a Wala so Eebatan;
Kilalaban—Kilalaban na saray
ugogaw; Ogaw, Ugogaw
Say ag nakaukolan, andi-kakanaan a
kagagawa a pambiniag ed saray ankelag
ya ugogaw tan saray anak a kulang
ed taon na eebatan, a saya so walora a
taon. Say Katawan ag to labay so pambiniag
na saray ankelag ya ugogaw
(Moro. 8:10–21). Saray ugogaw so nianak
ya angapo so pikakabat da tan
angapo so kasalanan da. Si Satanas
angapo so pakapanyari to a tuksoen
so saray ugogaw anga ed ongapo ra
a manmaliw a wala la so eebatan da
(D&P 29:46–47) kanian ag da nakaukolan
so mambabawi odino nabiniagan.
Saray ugogaw so kaukolan a
nabiniagan ed taon a walora (D&P
68:25–27).
PANAGGALSIM. Nengneñgen met so
Paknaan nen Abraham
Say tanda na paknaan nen Abraham
onkana ed saray lalaki ya Israelitas
legan na dispensasyon na Daan a Sipan
(Gen. 17:10–11, 23–27; ijs, Gen. 17:11).
Say panggalsim so ginawa ed panamegley
na pamputot na “supot a
laman” na laki a melag ni tan ontan
met ed saray ankabaleg la a lalaki.
Saraman so añgawat na saya panliketan
da so pankanawnawa tan pañgawat
na eebatan ed saya a paknaan. Say panaggalsim
a tanda na paknaan so asumpal
la ed impampulong nen Cristo
(Moro. 8:8; D&P 74:3–7).
PANAGLAGSAN. Nengneñgen met so
Cordero na Dios; Sampot a Pandem
Say pista na Panaglagsan (Fiesta na
Pasko) so ginawa a makatulong ed saray
anak na Israel pian nanunotan da a
sanen say managderal ya angel nilabsanan
to so saray kaaboñgan da tan iniagel
to ra ed saray taga-Egipto (Ex.
12:21–28; 13:14–15). Saray andi-duñgis a
karnero, a say dala ra so inkana a tanda
amañgilaban ed Israel sanen kadaanan,
so pamirbiran ed si Jesu Cristo,
say Cordero na Dios, a dia ed bagat to
adundon so amin a katooan.
Saya so tutuntonen na Panaglagsan,
Ex. 12:43. Si Jesus tan saray Apostoles
to inonor da so Fiesta na Pasko ed
Sampot a Pandem, Mat. 26:17–29 (Mar.
14:12–25). Nia nengneng yo so Cordero
na Dios, a sikato so mañgekal na kasalanan
na mundo, Juan 1:29, 36. Si Cristo
a sikato so Pasko tayo so nibagat onkana
ed sikatayo, 1 Cor. 5:7. Sikatayo so
adundon ed panamegley na dala nen
Cristo, a siñga sakey a karnero ya ag-