SAY LIBRO NEN MORMON

Mosiah 26:32–39 272
sinansakey; tan tua ikuan ko ed
sika, saman so ag mamirdona
ed kasalanan na kaabay to no
ikuan to a sikato so nambabawi,
saya met lamlamang so mañgawit
ed inkasikato ed kadusa.
32 Natan ikuan ko ed sika,
Onla ka; tan siopaman ya ag
mambabawi ed saray kasalanan
to sikato met lamlamang so ag
nibilang ed saray totook; tan
saya so sumpalen yo manlapu
ed natan ya anga ed arapen.
33 Tan agawa a sanen si Alma
nadñgel to so saraya a salita insulat
to pian saraya so wala ed
sikato, tan pian natutolan to so
saray totoo ed saman a simbaan
unong ed saray gangan na Dios.
34 Tan agawa a si Alma linma
tan tinutolan to so saray inawit
da a nankasalanan, unong ed
salita na Katawan.
35 Tan siopaman a nambabawi
ed saray kasalanan da tan
saraya so a impatua to, sikara so
nibilang ed limog na saray totoo
na simbaan;
36 Tan saraman so ag da ipatua
so saray kasalanan da tan
ag nambabawi ed saray kaugsan
da, sikara met lamlamang
so ag nibilang ed saray totoo na
simbaan, tan saray ñgaran da
so a binural da.
37 Tan agawa a si Alma so
añgoley ed amin a kurang ed
simbaan; tan ginmapo ra lamet
a nawalaan na kareenan tan bolaslas
a mapalalo ed saray kipapasen
na simbaan, a nankurang
ira a maalwar ed arap na Dios,
ya añgawat ira na dakerakel,
tan aminiag ira na dakerakel.
38 Tan natan saraya ya amin a
beñgatla so ginawa nen Alma
tan saray managkimey a kaiba
to ed simbaan, a nankurang ira
ed naspot a seet, ya imbañgat
da so salita na Dios ed amin a
beñgatla, a nantetepel ira na
amin a nengneng na kairapan,
lapu ed sikara so pinasegsegang
na amin na saray aliwa a miembro
na simbaan na Dios.
39 Tan binilin da so saray kaagian
da; tan sikara met so a abilin,
balang sakey unong ed salita
na Dios, unong ed saray kasalanan
da, odino dia ed kasalanan a
ginawa to, lapu ed sikara so
ginangan na Dios a b mampikasi
ya andi-tonda, tan mañgiter na
c
pisasalamat ed amin a beñgatla.
TEKAP 27
Si Mosiah insebel to so panamasegsegang
tan kinerew to so pampapara—
Si Alma a Malangwer
tan saray apatira a lalaki ya anak
nen Mosiah nampilalekan da a deralen
so Simbaan—Sakey ya angel
so nampanengneng tan ingangan
to ed sikara ya ontonda ra ed mauges
a kagagawa ra—Si Alma so
naemel—Amin a totoo so nakaukolan
a nianak lamet pian nagamoran
da so kilalaban—Si Alma tan
saray lalaki ya anak nen Mosiah
35a pmk Mampatua,
Pampatua.
36a Ex. 32:33;
Alma 1:24.
pmk Libro na Bilay;
Pañgekal ed
Impimiembro.
39a pmk Pasakbay,
Pasakbayan.
b 2 Ne. 32:8–9.
c pmk Pisasalamat,
Napno na
Pisasalamat, Pañgiter
na Pisasalamat.