SAY LIBRO NEN MORMON

71 Fariseo
da ed pananisia tan say bilay da ed
politika.
Say unaan a biang, saray tekap 1–15,
ipaliwawa to so inkalames na Israel
dia ed Egipto; say unaan ya awaran
tan inkatawag nen Moises; say Exodo
tan say impañgigapo na agew na Pasko;
tan say impankorang a paarap ed
Ambalañga a Dayat, say inkaderal na
ñgayew nen Paraon, tan say cancion
na impantalona nen Moises.
Say komadua a biang, saray tekap
15–18, ibaga to so inkarundon na Israel
tan saray agawgawa ed impambaroy
a nanlapu ed Ambalañga a Dayat
paarap ed Sinai; saray ampait a danum
na Mara, say impañgiter na saray pugo
tan mana, say impanumpal ed Ñgilin,
say makapakelaw a palabo na danum
ed Rafidim, tan say bakal diman ed saray
Amalikites; say insabi nen Jetro
dia ed campo tan say bilin to nipaakar
ed oley a sibil na saray totoo.
Say komatlo a biang, saray tekap
19–40, nipaakar ed impañgisaklang
ed Israel a manlingkor ed Dios legan
na saray masimuon ya agawgawa
ed Sinai. Say Katawan ingena to so saray
totoo bilang sakey a panarian na
saray sacerdote tan sakey a masanto a
bansa; initer to so saray Samplora a
Gangan; tan initer to so saray gangan
nipaakar ed tabernaculo, saray ikakana
ed saya, tan say panañgigalang
diman. Dia ed saman tinmumbok so
awaran na kasalanan na saray totoo ed
impamagalang da ed balitok a kilaw,
tan dia ed sampot say kasulatan na
impañgipaalagey na tabernaculo tan
saray nakaukolan ya ikana ed saray
panlingkor ed saya.
EZEKIAS
Sakey a matunong ya ari dia ed bansa
na Juda ed Daan a Sipan. Sikato so
nanoley ed loob na duamplo tan siam
a taon, legan na panaon a si Isaias so
profeta ed Juda (2 Ar. 18–20; 2 Awa.
29–32; Isa. 36–39). Si Isaias so tinmulong
ed sikato pian napasimbalo da
so mandapag a simbaan tan bansa.
Sikato so nampatonda ed say panañgigalang
ed talintao tan impawil
to so panaglingkor ed templo. Say
bilay nen Ezekias so aparukey na labinlima
a taon ed panamegley na pikakasi
tan pananisia (2 Ar. 20:1–7).
Saray unaan a biang na impanoley to
so maaliguas, balet say impanalsa to
sumpa ed ari na Asiria (2 Ar. 18:7) so
nansumpal ed nankadua ya insalong
na Asiria: say unaan so nipaliwawa ed
Isaias 10:24–32, say komadua dia ed
2Ar-ari 18:13–19:7. Dia ed komadua
ya impansalong, say Jerusalem so
inliktar na sakey ya angel na Katawan
(2 Ar. 19:35).
EZEQUIEL
Sakey a profeta a sikato so nansulat na
libro na Ezequiel dia ed Daan a Sipan.
Sikato so sakey a sacerdote ed boleg
nen Sadok tan sakey ed saray adakep a
Judio ya inawit nen Nabucodonosor.
Sikato so nanayam a kaiba to so saray
adakep a Judio dia ed Babilonia tan
namprofesiya legan na panaon a duamplo
tan dua a taon, manlapu ed 592
anga ed 570 s.c.
Say libro nen Ezequiel: Say libro nen
Ezequiel so nayari ya apagen ed apatira
ya inkaapag. Saray tekap 1–3 ibaga
to so nipaakar ed payawar na Dios tan
say tawag ed si Ezequiel a manlingkor;
saray tekap 4–24 isalita to so saray tutol
ed Jerusalem tan no akin saraya so
niiter; saray tekap 25–32 ipalapag to
so saray tutol ed saray bansa; tan saray
tekap 33–48 so kasulatan na saray puyan
na Israel ed kaunoran ya agew.
FARAON. Nengneñgen met so Egipto;
Egiptus
Say sankapañguloan a laki ya anak
nen Egiptus, say bii ya anak nen Cam
(Abr. 1:25). Ontan met, say paulo a niiter
ed saray ari na Egipto (Abr. 1:27).
FARISEO. Nengneñgen met so Judio,
Saray
Dia ed Balo a Sipan, say relihioso ya
olopan ed limog na saray Judio a say
ñgaran da labay to ya ibaga nibiig