SAY LIBRO NEN MORMON

223 Raphael
kanunotan yo tan dia ed puso yo, D&P
8:2–3. Sano saya so duga papetañgen
ko so pagew mo, D&P 9:8. Ag mo ibubori
so espiritu na puyan, D&P 11:25.
Saraman so onkerew sikara so makaawat
na puyan ed sakey na puyan,
D&P 42:61. Antokaman so ibalikas da
sano sikara so niwanwan ed panamegley
na Espiritu Santo saya so
voces na Katawan, D&P 68:4. Say Dios
so mañgiter ed sikayo na karonuñgan,
D&P 121:26. Si Joseph Smith anengneng
to so Ama tan say Anak, JS—A 1:17.
Manisia kami ed amin ya impuyan na
Dios tan saray ipuyan to ni, AnaP1:7, 9.
PUYAN NEN JUAN. Nengneñgen
met so Apocalipsis; Juan, Laki ya
Anak nen Zebedeo
Say sampot a libro ed Balo a Sipan, a
mañgilalaman na puyan a niiter ed si
Juan ya Apostol. Sikato so naabuloyan
a makanengneng ed awaran na mundo,
lalo la saray sampot ya agew (Apoc.
1:1–2; 1 Ne. 14:18–27; D&P 77). Say Puyan
nen Juan so akabatan met a saya
so Apocalipsis.
Si Juan naawat to so saya a puyan dia
ed agew na Katawan ed polo na Patmos
(Apoc. 1:9–10), dia ed gilig na dayat na
Asia, ya ag arawi ed Efeso. Say dugaruga
ya agew na puyan so ag akabatan.
Saray tumbok na pakatalus ed saya
a libro so akapila ed 1 Nephi 14:18–27
tan D&P 77 (Ether 4:15–16).
Saray tekap 1–3 so parungtal na
saya a libro tan saray sulat ed pitora a
miembro na simbaan ed Asia. Si Juan
insulat to so saraya a sulat a tulong ed
saray Sasantos pian nauksoy da so
saray gonigon da. Saray tekap 4–5 so
akasulatan na saray payawar a naawat
nen Juan ya añgipanengneng na kaatageyan
tan matunong a pakapanyari
na Dios tan si Cristo. Dia ed saray
tekap 6–9, 11, si Juan insulat to so impakanengneng
to na sakey a libro ya
akapotan na pitora a kapot, balang
sakey a kapot mañgilalaman na sanlibo
a taon na makamundo ya awaran
na dalin. Saraya a tekap so nipaakar
ed saray agawgawa a nilugan ed komapito
a kapot (nengneñgen so Apoc. 8–
9, 11:1–15). Say tekap 10 ipaliwawa to
so nipaakar ed sakey a libro a saya so
inakmon nen Juan. Saya a libro so
nipaakar ed arapen a pampulong a
gawaen to. Say tekap 12 so akasulatan
na sakey a payawar nipaakar ed kaugsan
a saya so ginmapo ed tawen sanen
si Satanas so inmalsa tan nibantak. Say
bakal a ginmapo diman so nampatuloy
a laban ed dalin. Dia ed saray tekap
13, 17–19, si Juan impaliwawa to so karelmeñgan
na saray panarian ed dalin
a saraya so uoleyan nen Satanas tan insulat
to so saray pansumpalan da, kaiba
so sampot a kaderal na kaugsan. Saray
tekap 14–16 ipaliwawa to so inkamatunong
na saray Sasantos ed limog na
kaugsan sakbay na komadua ya isabi
nen Cristo. Saray tekap 20–22 ipaliwawa
to so Milenium, say marakep a ciudad
na Jerusalem, tan saray sampot a
nagawgawa ed awaran na dalin.
QUERUBIN
Kanengneñganamañgilalaman na
mañgatatawen a pinalsa, say peteg a
nengneng so ag ni kabat. Say querubin
so atawag a mambantay ed saray sagrado
a pasen.
Say Katawan añgipasen na querubin a
mambantay ed dalan paarap ed kiew
na bilay, Gen. 3:24 (Alma 12:21–29;
42:2–3; Moises 4:31). Saray mañgilalaman
na querubin so nipasen ed yuroñgan
na panañgasi, Ex. 25:18, 22 (1 Ar.
6:23–28; Heb. 9:5). Saray querubin so
abitla ed saray payawar nen Ezekiel,
Eze. 10; 11:22.
RAMEUMPTOM
Dia ed Libro nen Mormon sakey ya
atagey a panagalageyan a panagpikasian
na saray Zoramite, Nephite a pinaolyan
da tan tinaynan da so pananisia
(Alma 31:8–14).
RAPHAEL. Nengneñgan met so
Angeles, Saray
Sakey ya angel na Katawan a tinmulong
ed impañgipawil na amin beñgatla
(D&P 128:21).