SAY LIBRO NEN MORMON

561 Helaman 15:1–7
TEKAP 15
Say Katawan dinusa to so saray
Nephite makaseñgeg inaro to ra—
Saray apasimbalo ed pananisia a
Lamanite so malet tan ag-nagiing
ed pananisia— Say Katawan so
manmaliw a mapañgasi ed saray
Lamanite ed kaunoran ya agew.
Ñgalñgali 6 s.c.
Tan natan, inararok a kaagian,
nia, ibawag ko ed sikayo likud
no sikayo so mambabawi saray
kaaboñgan yo so nataynan ya
a
angapo so manayam.
2 On, likud no sikayo so mambabawi,
saray kaasawaan yo
wala so baleg a señgegan a sikara
so onermen ed agew a sikara
so mampasuso; tan salien yo so
ombatik tan angapo so pasen
a napansalimbeñgan; on, tan
abagey ed saraman so a wala so
anak, tan sikara so ambelat tan
ag ira makabatik, dia ed ontan,
sikara so nagatin-gatinan tan
natilak ira ya ompatey.
3 On, abagey so saya a totoo a
sikara so tatawagen a totoo nen
Nephi likud no sikara so mambabawi,
sano nanengneng da so
saraya ya amin a pakapatnagan
tan pakelaw a saraya so nipanengneng
ed sikara; tan nia, sikara
so apili a totoo na Katawan;
on, saray totoo nen Nephi so
inaro to, tan ontan met a dinusa
to ra; on, dia ed agew na saray
karelmeñgan da sikara so dinusa
to lapu ed inaro to ra.
4 Balet nia kaagian ko, saray
Lamanite so binusol to lapu ed
saray kagagawa ra a mauges ya
andi-tonda, tan saya so lapu ed
karelmeñgan na a sisia a tawir
na kaamaan da. Balet nia, say
kilalaban so sinmabi ed sikara
lapu ed impampulong na saray
Nephite; tan lapu ed saya a gagala
say Katawan b pinarukey to
so saray agew da.
5 Tan pilalek ko a nengneñgen
yo a say a babaleg a kabiañgan
da so wala ed dalan na susumpalen
da, tan sikara so mankokurang
a maalwar ed arap na
Dios, tan susumpalen da so saray
gangan to tan saray tutuntonen
to tan saray panañgokom to
unong ed gangan nen Moises.
6 On, ikuan ko ed sikayo, a say
babaleg a kabiañgan da saya so
gagawaen da, tan pansasagpotan
da ed andi-kesaw a seet
pian naawit da so saray nakdaan
ni a kaagian da ed pikakabat
na katuaan; dia ed ontan wala
so dakel ya onaarum ed saray
bilang da ya inagew-agew.
7 Tan nia, kabat yo ed inkasikayo
a dili, lapu ed naimatonan
yo so saya, tan no kaonoñgan
so kinarakel na saray naaawit ed
pikakabat na katuaan, tan makapikabat
ed saray marelmeng
tan marumsis a sisia a tawir na
kaamaan da, tan sikara so nitunton
a manisia ed saray masanto
a kasulatan, on, dia ed saray
profesiya na saray masanto
a profeta, a saraya so nisulat, a
saya so añgiwanwan ed sikara
ed pananisia ed Katawan, tan
15 1a Mat. 23:37–38.
2a Mat. 24:19.
3a Ul. 3:12;
Heb. 12:5–11;
D&P 95:1.
4a pmk Kaugalian,
Saray.
b Alma 9:16.
5a Hel. 13:1.