SAY LIBRO NEN MORMON

105 Jose,Asawa nen Maria
megley na baluto tan inakmon na balbaleg
a sira. Dia ed tekap 2, si Jonas so
nampikasi ed Katawan, tan say sira
impaway to si Jonas ed amaga a dalin.
Say tekap 3 so kasulatan a si Jonas so
linma ed Ninive tan improfesiya to so
kaderal to. Bangbalet, saray totoo so
nambabawi. Dia ed tekap 4, say Katawan
nampasnokan to si Jonas lapu ed
pasnok to ed Katawan ya inlaban to so
saray totoo.
Si Jesus imbañgat to a say impañgakmon
na sira ed si Jonas so kaolibay na
dili ya ipatey tan kioli nen Jesus ed bilay
(Mat. 12:39–40; 16:4; Luc. 11:29–30).
JONATAN. Nengneñgen met so
David; Saul, Ari na Israel
Dia ed Daan a Sipan, laki ya anak nen
Saul, ari na Israel. Si Jonatan so malet a
kaaro nen David (1 Sam. 13–23, 31).
JOSE, LAKI YA ANAK NEN JACOB,
Nengneñgen met so Israel; Jacob,
Laki ya Anak nen Isaac
Dia ed Daan a Sipan, say unaan a laki
ya inianak nen Jacob tan Raquel (Gen.
30:22–24; 37:3).
Si Jose agamoran to so pankatunoñgan
ed inkapañguloan ed Israel makaseñgeg
ed si Ruben ya unaan a laki a
nianak ed unaan ya asawa nen Jacob,
abalang to so pankanawnawa to lapu
ed impankasalanan to (1 Awa. 5:1–2).
Lapu ed sikato so manepeg, si Jose, so
unaan a laki ya anak nen Jacob ed komadua
ya asawa to, so ontutumbok ed
bendicion. Si Jose añgawat met na
bendicion a nanlapu ed ama to sakbay
ya inatey si Jacob (Gen. 49:22–26).
Si Jose so too a maong so ugali to,
sakey a too a “maalwar tan makabat”
(Gen. 41:39). Say ag to impañgawat ed
asawa nen Potifar so sakey a pañgaligan
ed pananisia, kalinisan, tan inkatoo
(Gen. 39:7–12). Dia ed Egipto, sanen si
Jose so añgibaga na tua ed saray agagi
to sikato so nampasalamat nen say tinetel
to ira ed ginawa ra ed sikato. Sikato
so anisia a saray galaw da so akatulong
ya anumpal ed madivino a linawa na
Dios (Gen. 45:4–15).
Say puyan ed kaunoran ya agew impuyan
to so babaleg a gagala na boleg
nen Jose dia ed kaunoran ya agew (2 Ne.
3:3–24; 3 Ne. 20:25–27; ijs, Gen. 50).
Si Jacob inararo to a maong si Jose tan
añgiter na kawes a nambabañgil so kolor
to, Gen. 37:3. Lapu ed imon na saray
agagi to a lalaki kinabusol da tan implano
ra a pateyen, balet sikato so inlako
ra ed saray managtagilako, a saraya so
inmarap ed Egipto, Gen. 37:5–36. Diman
ed Egipto, say Katawan pinaaliguas
to si Jose tan nanmaliw a manañgoley
ed abong nen Potifar, Gen. 39:1–4.
Say asawa nen Potifar so nantila, ibabaga
to a si Jose labay to so miakdol ed
sikato; si Jose so apalsaan tan adusa
tan inyan da ed dalem na pañgawan,
Gen. 39:7–20. Si Jose impatalus to so
kugip na manunaan maestresala tan
managgawa na tinapay nen Paraon,
Gen. 40. Si Paraon ginmapo a pinalaboan
to si Jose lapu ed impatalus nen
Jose so saray kugip nen Paraon; ginawa
to si Jose a manañgoley ed Egipto,
Gen. 41:14–45. Si Efraim tan Manases so
inianak, Gen. 41:50–52. Si Jose so akapitipon
lamet ed ama to tan saray agagi
to, Gen. 45–46. Si Jose inatey ed Egipto
nen mantaon na 110, Gen. 50:22–26.
JOSE, ASAWA NEN MARIA.
Nengneñgen met so Jesu Cristo;
Maria, Ina nen Jesus
Asawa nen Maria, ya ina nen Jesus. Si
Jose so kapolian nen David (Mat. 1:1–
16; Luc. 3:23–38) tan nanayam ed Nazaret.
Sikato so mañgasawa ed si Maria.
Sakbay na kasal da, si Maria so akaawat
na dalaw nanlapu ed si angel Gabriel,
a sikato so imbaga a si Maria so apili a
manmaliw ya ina na Manañgilaban
(Luc. 1:26–35). Si Jose so akaawat met
na puyan nipaakar ed saya so madivino
a kianak (Mat. 1:20–25).
Si Maria so alenleneg a makaraldalin
ya ateng nen Jesus lapu ed say Dios
Ama so ama nen Jesus. Balet saray Judio
say amta ra si Jose so ama nen Jesus,
tan si Jesus onia so impañgipasen to
ed sikato (Luc. 2:48, 51). Apasakbayan
ed mañgatatawen a kugip, si Jose nia-