SAY LIBRO NEN MORMON

23 Bakal ed Tawen
BABEL, BABILONIA. Nengneñgen
met so Mundo; Nabucodonosor
Say kapitulyo na Babilonia.
Say Babel so inletneg nen Nimrod
tan sakey ed saray sankadaanan a ciudad
ed dalin na Mesopotamia, odino
Shinar (Gen. 10:8–10). Say Katawan ginewgew
to so salita nen panaon a saray
totoo ipapaalagey da so Tori na Babel
(Gen. 11:1–9; Ether 1:3–5, 33–35). Dia
ed kasampotan say Babilonia so nanmaliw
a kapitulyo nen Nabucodonosor.
Sikato so añgipaalagey na agay la
a kabaleg a ciudad ya anga ed natan
say kera to wala ni. Say Babilonia so
nanmaliw ya agay la so uges to a ciudad
tan nanlapu ed saman saya so pakapatnagan
na kaugsan na mundo.
Batik kayo ya ompaway ed pegley na
Babilonia, Jer. 51:6. Say Babilonia so
niletneg tan nigapol, Apoc. 17–18. Say
Babilonia so naderal, 2 Ne. 25:15. Say
Babilonia so nigapol, D&P 1:16. Ag ko
ikera so siopaman a natilak ed Babilonia,
D&P 64:24. Paway kayo ed Babilonia,
D&P 133:5, 7, 14.
BAGAT. Nengneñgen met so Ayuno,
Panagayuno; Ibagat; Kakaplo,
Panañgiter na Kakaplo;
Pankaabigan; Tulong ed saray
Duka, Panañgiter na Tulong ed
saray Duka
Say palabo a panañgaro ed Katawan.
Dia ed Daan a Sipan saya so lanang ya
ikakana a salita a say talus to nipaakar
ed saray bagat odino pinuolan a bagat.
Say Simbaan natan ed saraya ya agew
ikakana to so saray bagat ed panagayuno
tan arum ni a mabulos ed linawa
a bagat (kaiba to so panaon, saray talinto,
tan saray kayarian) a pantulong
ed saray duka tan onkana ed arum ni a
manepeg a pankaukolan.
Tinakewan yo ak ed saray kakaplo tan
saray bagat, Mal. 3:8–10. Mipulañgan
ka ni ya unona ed agim tan dia ed saya
isaklang mo so panañgarom, Mat. 5:23–
24. Ibagat yo so tibukel a kamarerua yo
a sakey a bagat ed Cristo, Omni 1:26.
No say sakey a too mañgibagat ya
angapo so matua a gagala, angapo so
gungona to, Moro. 7:6. Saray tumbok
na inkasacerdote so ag naala lamet
anga ed saray lalaki ya anak nen Levi
ibagat da lamet so sakey a bagat ed
Katawan dia ed inkamatunong, D&P
13:1. Dia ed saya, say agew na Katawan,
sika so kaukolan a mañgibagat
na antokaman a bagat na pisasalamat
tan saray sacramento ed Sankaatageyan,
D&P 59:12. Sikatayo a sakey a
simbaan tan sakey a katooan so mañgibagat
ed Katawan na sakey a bagat
dia ed inkamatunong, D&P 128:24.
BAGAT A PAMAANDI NA
KASALANAN. Nengneñgen so
Pamaandi, Bagat a Pamaandi na
Kasalanan
BAKAL. Nengneñgen met so Kareenan
Say bakal odino golo a nan-ayura; panlalaban
a wala so ayura. Say Katawan
abuloyan to so bakal no saya labat so
sampot a nikana na saray Sasantos to a
pañgiagel da ed saray boleg da, kayarian
da, saray pankatunoñgan, saray
pankanawnawa, tan saray kawayañgan
da (Alma 43:9, 45–47).
Si Moroni sineetan to ya iniagel so totoo
to, saray pankatunoñgan to, say
bansa to, tan say relihion to, Alma
48:10–17. Si Joseph Smith akaawat na
puyan tan profesiya nipaakar ed bakal,
D&P 87. Ikaindanan yo so bakal
tan ibawag so kareenan, D&P 98:16,
34–46. Manisia kami a saray totoo katunoñgan
da so pañgiagel ed sikara a
dili, saray kakaaro ra, tan kayarian da,
tan say panañgoley, D&P 134:11. Manisia
kami ed panañgonor, panañgigalang,
tan panabubon ed gangan,
AnaP1:12.
BAKAL ED TAWEN. Nengneñgen
met so Bilay sakbay ed Dalin;
Dagup ed Tawen
Say golo ya agawa dia ed bilay sakbay
ed dalin ed limog na saray espiritu ya
anak na Dios.