SAY LIBRO NEN MORMON

43 Daan a Sipan
Saray Agaw-gawa ed Awaran na
Cristiano:
70 Saray Cristiano linma ra ed Pella;
say Jerusalem so niliktob tan
adakep.
95 Saray Cristiano so
pinasegsegang nen Domitian.
Saray Agaw-gawa ed Libro nen
Mormon:
385 Say bansa na Nephite so aderal.
421 Si Moroni iniamot to so saray
piligo.
CUBITO
Sakey a sukat na dukey ed limog na
saray Hebreo—sanen unaan say karokey
a manlapu ed siko anga ed ñguro
na saray gamet.
CUMORAH, PUKDOL NA.
Nengneñgen met so Moroni, Laki ya
Anak nen Mormon; Libro nen
Mormon; Smith, Joseph, Jr.
Sakey a melag a pukdol a nipasen ed
mamasagur na New York, Estados
Unidos na America. Dia, say kadaanan
a profeta a manñgaran na Moroni iniamot
to so saray balitok a piligo a niluganan
na saray pigara a kasulatan na saray
bansa na Nephite tan Jaredite. Si Joseph
Smith so niwanwan ed saya a pukdol
sanen 1827 nen inmoli ed bilay a Moroni
pian alaen to so saray piligo tan ipatalus
to so arum a kabiañgan na saraya. Saya
ya impatalus so say Libro nen Mormon.
Saray Nephite so nantitipon ed Cumorah,
Morm. 6:2–4. Say Cumorah so wala
ed dalin na dakerakel a danum, Morm.
6:4. Si Mormon iniamot to so saray kasulatan
ed Pukdol na Cumorah, Morm.
6:6. Amin likud labat ed duamplo tan
apat a Nephite so apatey ed Cumorah,
Morm. 6:11. Nadñgel mi so maliket a
balita a nanlapu ed Cumorah, D&P
128:20. Si Joseph Smith inala to so
saray piligo manlapu ed Pukdol na
Cumorah, JS—A 1:42, 50–54, 59.
DAAN A SIPAN. Nengneñgen met so
Biblia; Masanto a Kasulatan,
Saray; Pentateuch
Saray insulat na saray kadaanan a profeta
a sikara so nankikimey dia ed silong
na tanguyor na Espiritu Santo tan
sikara so nampaneknek ed loob na dakel
a lasus a taon nipaakar ed Cristo
tan say arapen ya pampulong to. Lugan
to met so kasulatan na awaran nen Abraham
tan saray kapolian to, a ginmapo
ed si Abraham, tan say paknaan, odino
sipan, a saya so ginawa na Katawan
ed si Abraham tan say kailalakan to.
Say unaan a limara a libro na say
Daan a Sipan so insulat nen Moises.
Saraya so Genesis, Exodo, Levitico,
Numeros, tan Deuteronomio. Say Genesis
so nipaakar ed ingapo na dalin,
katooan, saray salita, kapolian na totoo,
tan say ingapo na abong na Israel.
Saray libro na awaran so mañgibaga
na saray agaw-gawa ed Israel. Saraya
a libro so Josue, Saray Okom, Rut, 1
tan 2 Samuel, 1 tan 2 Ar-ari, 1 tan 2
Awaran, Esdras, Nehemias, tan Ester.
Saray maanlong a libro so akasulatan
na arum a kakabatan tan kasulatan
na saray profeta. Saraya so Job, Saray
Salmo, Uliran, Eclesiastes, Canta nen
Solomon, tan Saray Tagleey.
Saray profeta pinasakbayan da so
Israel ed saray kasalanan to tan pinaneknekan
da so saray bendicion ya
onsabi a manlapu ed pañgonor. Improfesiya
ra so isabi nen Cristo, a sikato
so mamaandi ed saray kasalanan
na saraman so mambabawi, mañgawat
na saray tutuntonen, tan mambilay
unong ed evangelio. Saray libro
na saray profeta so Isaias, Jeremias,