SAY LIBRO NEN MORMON

483 Alma 55:32–56:6
ni ya unaan so saray adakep a
Lamanite.
32 Tan sikara so maalwar ya
angapo so samal a niiter ed
limog da; tan no say alak da samalan
to so sakey a Lamanite
nasamalan to met so sakey a
Nephite, tan dia ed onia sinubok
da ya amin so saray mabayani
ya iinumen da.
33 Tan natan agawa a kinaukolan
nen Moroni so mangawa na
paraan ya ondugpa ed ciudad na
Morianton; tan nia, saray Lamanite,
dia ed sagpot da, sinalimbeñgan
da so ciudad Morianton
anga a saya so nanmaliw a mapalalo
a mabiskeg a ciudad.
34 Tan andi-tonda so pañgaawit
da na balo a ñgayew ed saman
a ciudad, tan ontan met ed
balo a tagano a nakaukolan.
35 Tan dia ed onia so impansampot
na komaduamplo tan
siam a taon ya oley na saray
okom ed saray totoo nen Nephi.
TEKAP 56
Si Helaman añgipawit na sakey a
sulat ed si Moroni, ya insalaysay
to so kipapasen na bakal ed saray
Lamanite—Si Antipus tan si Helaman
agamoran da so baleg a taluna
ed saray Lamanite—Saray duara a
libo a kalangweran a lalaki nen Helaman
so akilaban ed makapakelaw
a pakapanyari, tan angapo ed sikara
so inatey. Versiculo 1, ñgalñgali 62
s.c.; saray versiculo 2–19, ñgalñgali
66 s.c.; tan saray versiculo
20–57, ñgalñgali 65–64 s.c.
Tan natan agawa a dia ed gapo
na komatalumplo a taon ya oley
na saray okom, dia ed komadua
ya agew na unaan a bulan, si
Moroni akaawat na sulat a nanlapu
ed si Helaman, ya insalaysay
to so kipapasen na saray totoo
ed saman a sukong na dalin.
2 Tan saraya so salita ya insulat
to, a nankuan: Inararok a
pinabpablik ya agi, Moroni, dia
ed Katawan tan ontan met ed
saray kairapan ed bakal tayo;
nia, inararok ya agi, wala so
siñga labay ko ya ibaga ed sika
a nipaakar ed pibabakal mi ed
saya a kabiañgan na dalin.
3 Nia, a duara a libo ed saray
lalaki ya anak na saraman so
totoo ya inawit nen Ammon ya
impaway ed dalin na Nephi—
natan kabat mo a sikara so kapolian
nen Laman, a sankapañguloanan
a laki ya anak nen ama
tayo a Lehi;
4 Natan ag ko la uliten ed sika
so nipaakar ed saray sisia ra a
tawir odino say ag da pananisia,
lapu ed kabat mo so nipaakar
ed saraya ya amin a beñgatla—
5 Dia ed ontan masarag la ed
siak so pañgibagak ed sika a saraya
a duara a libo a malangwer
a lalaki so añgala na saray agamil
da ed bakal, tan pilalek da a
siak so pañgulo ra; tan sikami so
linma a mañgiagel ed bansa mi.
6 Tan natan kabat mo met so
nipaakar ed a paknaan a ginawa
na kaamaan da, ya ag da labay
ya alaen so saray agamil da ed
bakal sumpa ed saray kaagian
da pian mamaterter na dala.
56 3a Alma 53:22. 6a Alma 24:17–18.