SAY LIBRO NEN MORMON

59 Esau
37. Pinaabig to si Naaman, sakey a
taga-Siria, 2 Ar. 5:1–14. Binulag to so
saray sondalo a taga-Siria, tan saray
mata na saray igagangan to so alukasan,
2 Ar. 6:8–23.
ELOHIM. Nengneñgen so Ama ed
Tawen; Dios, Godhead
EMMANUEL. Nengneñgen met so
Jesu Cristo
Sakey ed saray ñgaran nen Jesu Cristo.
Saya so nanlapu ed saray salita a
Hebreo a say talus to “say Dios wala
ed sikatayo.”
Say Emmanuel so ñgaran a niiter a
tanda na impañgilaban na Dios (Isa.
7:14). Say impantukoy nen Isaias ed
Emmanuel so binirbir nen Mateo a saya
a profesiya so say kianak nen Jesus
ed dalin (Mat. 1:18–25). Saya a ñgaran
so nanengneng met ed saray masanto
a kasulatan ed kaunoran ya agew
(2 Ne. 17:14; 2 Ne. 18:8; D&P 128:22).
ENOC. Nengneñgen met so Sion
Sakey a profeta ya añgipañgulo ed
ciudad na Sion. Say impampulong to
so nipaliwawa ed Daan a Sipan tan dia
ed Perlas ya Ankabli. Sikato so komapito
a patriarka kasumpal nen Adan.
Sikato so laki ya anak nen Jared tan
say ama nen Metusalem (Gen. 5:18–
24; Luc. 3:37).
Si Enoc so mapagalang a too tan
awalaan na nidumadoma ya impampulong
nen say pinatikey ya awaran
ed Biblia nipaakar ed sikato. Dia ed
Biblia akasulat a sikato so nanmaliw a
too a nansalat so kipapasen to (Heb.
11:5) balet ag añgiter na arum ni a kakabatan
nipaakar ed impampulong to.
Dia ed Judas 1:14 lugan to so balikas
na profesiya a ginawa to. Saray puyan
ed kaunoran ya agew ipaliwawa to a
maong so nipaakar ed si Enoc, lalo la ed
say pulong to, say ciudad to a tinawag
a Sion, saray payawar to, tan saray
profesiya to (D&P 107:48–57; Moises
6–7). Say Sion so naawit ed tawen lapu
ed inkamatunong na saraman so nambilay
ed saya (Moises 7:69).
Say Dios impuyan to so inkasikato ed
si Enoc, Moises 6:26–37. Si Enoc imbañgat
to so evangelio, Moises 6:37–68.
Si Enoc binañgatan to so saray totoo
tan inletneg to so Sion, Moises 7:1–21.
Si Enoc anengneng to so arapen anga ed
komadua ya isabi nen Cristo, Moises
7:23–68.
ENOS, LAKI YA ANAK NEN
JACOB
Sakey a profeta a Nephite tan manañgisinop
na kasulatan ed Libro nen
Mormon a sikato so nampikasi onkana
ed pakaawat to na pamaandi na saray
kasalanan ed panamegley na pananisia
to ed si Cristo (Enos 1:1–8). Say
Dios akipaknaan ed si Enos ya awiten
so Libro nen Mormon ed saray Lamanite
(Enos 1:15–17).
Say libro nen Enos: Sakey a libro dia ed
Libro nen Mormon a mañgibabaga ed
pikakasi nen Enos ed Katawan onkana
ed pirdona, onkana ed saray totoo to,
tan onkana ed saray arum. Say Katawan
insipan to a say Libro nen Mormon so
niagel tan niiter ed saray Lamanite dia
ed arapen ya agew. Angaman say libro
lugan to so saksakey labat a tekap,
dia ed saya akasulat so makapanyari a
tungtong nipaakar ed sakey a laki a
sikato so kinmerew ed Dios dia ed pikakasi,
nambilay a matolok ed saray
gangan na Dios, tan sakbay na impatey
to nangayaga ed say pikakabat to
ed Mananundon.
ESAIAS
Say Balo a Sipan (Griego) a nengneng na
ñgaran ya Isaias (Luc. 4:17). Si Esaias so
sakey met a profeta a nambilay ed saray
agew nen Abraham (D&P 76:100; 84:11).
ESAU. Nengneñgen met so Jacob, Laki
ya Anak nen Isaac; Isaac
Dia ed Daan a Sipan, say pañguloan a
laki ya anak di Isaac tan Rebeca tan kalason
nen Jacob. Saray duara a sanagi
so mankalaban manlapu ed inkianak da
(Gen. 25:19–26). Saray kailalakan nen
Esau, saray Edomites, tan saray kailalakan
nen Jacob, saray Israelitas, so