SAY LIBRO NEN MORMON

Escriba 60
nanmaliw a mankalaban a bansa (Gen.
25:23).
Si Esau inlako to so bendicion to ed inkapañguloan
ed si Jacob, Gen. 25:33
(Heb. 12:16–17). Si Esau so añgasawa
ed saray bibii ya Hittite ya inermen na
saray ateng to, Gen. 26:34–35. Si Jacob
tan si Esau nampulañgan ira, Gen. 33.
ESCRIBA
Say Daan tan Balo a Sipan nikana so
saya a salita ed nanduroma a pamaakaran:
(1) Dia ed Daan a Sipan, say
una-unaan ya eebetan na escriba so
mankopia na saray masanto a kasulatan
(Jer. 8:8). (2) Saray escriba so mabetbet
a nabitbitla dia ed Balo a Sipan tan no
arum sikara so atawag ya abogado
odino doktor na gangan. Sikara so mañgidalatdat
na gangan tan inkana da
so saraya unong ed saray agaw-gawa
ed panaon da (Mat. 13:52; Mar. 2:16–
17; 11:17–18; Luc. 11:44–53; 20:46–47).
ESDRAS
Sakey a sacerdote ed Daan a Sipan tan
managsulat a sikato so añgipawil na
pigara ed saray Judio ed Jerusalem
manlapu ed inkadakep da ed Babilonia
(Esd. 7–10; Neh. 8, 12). Dia ed 458
s.c. sikato so akagamor na abuloy a
nanlapu ed si Artajerjes, ari na Persia,
ya awiten to ed Jerusalem so siopaman
a Judio a labay to so onla (Esd. 7:12–26).
Sakbay na panaon nen Esdras, saray
sacerdote so awalaan na ñgalñgali
amin a pakaoley ed pambasa na tinipon
a nisulat a masanto a kasulatan ya
atawag ya “oley.” Tinmulong si Esdras
a nangawa na saray masanto a kasulatan
pian nawalaan na pankanawnawa
so balang sakey a Judio. Say lukas a
panagbasa na “say libro na oley” dia ed
mantumbok ya agew so nanmaliw ya
centro na makabansa a panagbilay na
saray Judio. Añganko say sankabalegan
abañgat nen Esdras so nanlapu ed dili a
pañgaligan ed impamparaan to na puso
to ed pananap na oley na Katawan, say
itolok ed saya, tan say impañgibañgat
to na saya ed saray arum (Esd. 7:10).
Say libro nen Esdras: Saray tekap 1–6
ipaliwawa to so saray agawgawa ya
apalabas manlapu ed anemaplo anga
ed walomplo a taon sakbay na insabi
nen Esdras ed Jerusalem—say paakseb
nen Ciro sanen 537 s.c. tan say
impawil na saray Judio ed silong nen
Zorobabel. Saray tekap 7–10 ipanengneng
to no panon so iniakar nen Esdras
ed Jerusalem. Sikato, kaiba so
saray kaulop to, so nanayuno tan
nampikasi onkana ed kiagel da. Dia ed
Jerusalem arumog da so dakerakel a
totoo a Judio ya akasabi ed Jerusalem
ya asasakbay ed silong nen Zorobabel
tan sikara so añgasawa na bibii ed paway
na paknaan tan dia ed onia dinutak
da so inkasikara. Si Esdras so
nampikasi onkana ed sikara tan impasen
to ira ed silong na paknaan ya isiyan
da so saraman ya asawa a bibii.
Say kaunoran ya awaran nen Esdras
so narumog ed libro nen Nehemias.
ESPIRITU. Nengneñgen met so
Kamarerua; Kioli ed Bilay; Patey,
Inkalaman a; Too, Totoo
Saman so kabiañgan na mambibilay a
too a saya so wala la sakbay na inkianak
to ed bilay dia ed dalin, a saya so
manaayam ed inkalaman na too legan
na bilay tan saya so siansia ni a wala
kasumpal na patey anga ed kioli ed bilay.
Amin a mambibilay a beñgatla—
totoo, ayayep, tan saray tanaman—saraya
so espiritu sakbay na antokaman
a nengneng na bilay dia ed tapew na
dalin (Gen. 2:4–5; Moises 3:4–7). Say
kanengneñgan na espiritu so siñga
met laman (1 Ne. 11:11; Ether 3:15–16;
D&P 77:2; D&P 129). Say espiritu wala
so pasen to tan belat to, balet saya so
mas pino odino dalisay nen say makaraldalin
ya elemento (D&P 131:7).
Balang sakey a too so nasasalita a laki
odino anak a bii ya anak na Dios,
lapu ed sikara so espiritu ya inianak
na Mañgatatawen ya Atateng sakbay a
nianak ira ed saray atateng dia ed dalin
(Heb. 12:9). Balang sakey a too ed
dalin so awalaan na ag-ompatey ya espiritu
a niarum ed laman tan pokel.
No maminsan saya so nipaliwawa