La prise en charge. Témoignage d'un Montagnais. - Les Classiques ...
La prise en charge. Témoignage d'un Montagnais. - Les Classiques ...
La prise en charge. Témoignage d'un Montagnais. - Les Classiques ...
You also want an ePaper? Increase the reach of your titles
YUMPU automatically turns print PDFs into web optimized ePapers that Google loves.
<strong>La</strong> <strong>prise</strong> <strong>en</strong> <strong>charge</strong>. <strong>Témoignage</strong> d’un <strong>Montagnais</strong>. (1997) 108<br />
Muk u namielua nelua [134] ushkat utishkuema. Verreault ishinikashili-<br />
pan ushkat utishkuema, Christine Verreault. Muk u apu nasht kanueli-<br />
mitshit kaikunakanit, nutim nana ishkuashipanat. Apu tshut mishtaishkuatet,<br />
muku nutim nanana mashinaikana kie kaikunakanit ishkuashipanat.<br />
Apu tshekuan tshut nukuat. E piputelit mak kalapua nipilu nana<br />
uet lalushitau kaikunakanit kie mashinaikana.<br />
Jourdain nana ishinikashipan nikaui. Nite Péribonka ut upinanipan.<br />
Tshitshue nana ilnushkueu. Utauia Georges Jourdain ishinikashilipan<br />
apu tshut natuulit nite tetshe Péribonka. Eshku nutim mamu natuuipanat<br />
Jourdain innuat. Kau ute ekue mishakapanat Piekuakamit e pimishkatau.<br />
Tepan nite tshishelnu William Connelly ishinikashipan, nite tshimatelipan<br />
uitsh tipishkut e tshimatelit Jerôme <strong>La</strong>roche uitshilua. Utatauitshuapipan<br />
nite. Ekut nite atussepan nikaui, ushkat ka neshtuapamikut<br />
nutauia.<br />
Shash kalapua uil tapue tshi uapamepan nite Péribonka, muku ekut<br />
nite atusselipan, ataulnishkueulipan, tshitshue ka nishtuapamat. Kie<br />
elukuan ekue nipuipanat. Mishta-auassiuipanat e niputau; etatu nikaui<br />
auassiuipan. Muku kutulnuepipuneshipan ashu nishuasht ka niput. Eshku mishta-auassiunanuipan ueshkat e nipunanut. Ekue shaputuepalipan iapit<br />
e natuut nutaui. Ekut nite nitilniutan, nishuasht e tatupipuneshiat,<br />
nuitsheuatan nutauinan minashkuat etutet.<br />
Muku takuanipan tshetshi ituteiat katshishkutamatsheutshuapit<br />
nishuasht e tatupipuneshiat. Ekut ute nitshitshipalitan e [135] tshishkutamakuiat.<br />
Nutaui uil shaputue natuuipan. Nilan uil neume ushkaupishimua<br />
uetitshipalit eukuan nikushpitan patush ekue mitapeiat nissipishimu<br />
mak kie uapikun-pishimu . Napit, takuanipan ilnukatshishkutamatsheutshuap<br />
ishinikatakanipan. Aiamieun nitshishkutamakutan,<br />
mak e mashinaitsheiat, mak e atshitashiat, ne tshekuan e<br />
mishta-apatit. Kakashteukupeshkueu nitshishkutamakutan, kie ilnuaimipan.<br />
Apu tshut tshisselimak, tshetshi ilnushkueuekue muku uil<br />
mishta-milu-ilnu-aimipan. Pessamit utshipalikupan nitelimau. Apu tshissitutuku<br />
tan ishinikashikupan. Ka-tshi ma Marie du Mont-Carmel ishinikashikupan<br />
nitelimau ne ka tshishkutamakuiat kakashteukupeshkueu.<br />
Nishupishimua ishpish tshishkutamuakanipanat nutshimiu-auassat,
Change language