Jaarverslag 2011/12 - Western Cape Department of Environmental ...

1.6 PROVINSIALE MINISTER SE VERKLARING
Dit is vir my ‘n plesier om aan u verslag te lewer van hoe my Departement gedurende die jaar onder
beskouing gevaar het. Gedurende die beplanningstydperk van die jaar onder beskouing, het ek gesê dat
my primêre verantwoordelikheid sal wees om my Departement te lei om die regte ding te doen. Ons het
voortgegaan om ons manier van besigheid doen te bevraagteken in belang van die verbetering van die
sosio-ekonomiese omstandighede van ons burgers. Ondersteunend van hierdie strategiese oogmerk, is
ek ingenome met die aankondiging dat my Departement ‘n skoon ouditverslag ontvang het wat bevestig
dat ons die omgewings- en beplanningswetgewingsprosesse met agting en toerekenbaarheid bestuur.
Die jaar onder beskouing het beduidende beleids- en wetgewingsmylpale vir my Departement opgelewer.
Vooruitbeplanning vereis van ons om volhoubaar te dink in terme van die beskerming van
die natuurlike omgewing vir toekomstige generasies asook om ekonomiese groei en volhoubare
ontwikkeling te verseker. Die Wetsontwerp vir Grondgebruiksbeplannings is voltooi en my Departement
is tans besig om die kommentaar wat van al die belanghebbendes ontvang is, na te gaan. Dit is ons
doelwit om hierdie wetgewing in April 2013 bekend te maak.
Terwyl hierdie beplanningswetgewing die noodsaaklikheid vir geïntegreerde beplanning aanspreek, is dit
net so belangrik dat beleid en wetgewing ander faktore soos die natuurlike omgewing in ag neem met
die doel om holistiese beplanning en ontwikkeling in terme van die sosiale en ekonomiese oorwegings en
natuurlike omgewing van die Provinsie te bevorder. Op 13 Desember 2011 het die Provinsiale Kabinet die
Wes-Kaapse Wet op Biosfeerreservate, 2011 (Wet No.6 van 2011) goedgekeur. My Department is tans in
die proses om die Regulasies insake Biosfeerreservate op te stel.
Dit is belangrik om wetgewingsraamwerke te formuleer ten einde te verseker dat die belange van die
mense in ag geneem word en dat ‘n inklusiewe proses gefasiliteer word. Die Wes-Kaapse konsepwetsontwerp
op Volhoubare Energie is in die 2011/12 finansiële jaar in samewerking met munisipaliteite as
deel van die Provinsiale voorbereidings vir die 17de Konferensie van Partye-program ontwikkel. Die mees
onlangse konsepwetsontwerp is verwys vir wetlike hersiening en ‘n openbare deelname-proses sal in die
2012/13 finansiële jaar onderneem word.
Hierdie verslag dokumenteer ‘n reeks bereikte doelwitte. Alhoewel almal nie as onmiddellik beskou kan
word nie, moet in gedagte gehou word dat die beskerming van ons waardevolste bate ingeligte beplanning
en die neem van besluite in die hede vereis ten einde die langtermynvisie van ‘n beter lewe saam in
‘n samelewing met gelyke sosio-ekonomiese geleenthede te bereik.
PROVINSIALE MINISTER VAN DIE PLAASLIKE REGERING,
OMGEWINGSAKE EN ONTWIKKELINGSBEPLANNING
MNR. A. BREDELL
Departement van Omgewingsake en Ontwikkelingsbeplanning - Jaarverslag 2011/12
11