Jaarverslag 2011/12 - Western Cape Department of Environmental ...

WES-KAAP: OMGEWINGSDIENSTE EN ONTWIKKELINGSBEPLANNING
BEGROTINGSPOS 9
REKENKUNDIGE BELEIDE
vir die jaar geëindig 31 Maart 2012
REKENKUNDIGE BELEIDE
Die finansiële state is voorberei in ooreenstemming met die volgende beleide, wat konsekwent toegepas
is in alle materiële aspekte, tensy anders aangedui. Waar gepas en betekenisvol is addisionele inligting
egter openbaar gemaak om die nut van die Finansiële Sate te versterk en om die statutêre vereistes van
die Wet op Openbare Finansiële Bestuur, Wet 1 van 1999 (soos gewysig deur Wet 29 van 1999), en die
Tesourierregulasies uitgereik ingevolge die Wet en die Wet op Verdeling van Inkomste, Wet 1 van 2010
na te kom.
1. AANBIEDING VAN DIE FINANSIËLE STATE
1.1 Basis van voorbereiding
Die Finansiële State is voorberei op ‘n gewysigde kontantbasis van rekeningkunde, behalwe waar
anders genoem. Die gewysigde kontantbasis is deel van die kontantbasis van rekeningkunde aangevul
met addisionele openbaarmakingsitems. Onder die kontantbasis van rekeningkundige transaksies en
ander gebeurtenisse word erken wanneer kontant ontvang of betaal word.
1.2 Aanbieding van geldeenheid
Alle bedrae is in die geldeenheid van die Suid-Afrikaanse Rand (R) aangedui wat ook die funksionele
geldeenheid van die Departement is.
1.3 Afronding
Tensy anders vermeld, is alle finansiële syfers tot die naaste eenduisend Rand (R’000) afgerond.
1.4 Vergelykende syfers
Vergelykende inligting van die vorige tydperk is in die huidige jaar se finansiële state aangebied.
Waar nodig, is syfers wat in die finansiële state van die vorige tydperk ingesluit is, herklassifeseer om te
verseker dat die formaat waarin die inligting aangebied word, konsekwent is met die formaat van die
huidige jaar se finansiële state.
1.5 Vergelykende syfers - toedelingstaat
‘n Vergelyking tussen werklike bedrae en finale toedeling per groot klassifisering van uitgawe is by die
Toedelingstaat ingesluit.
2. INKOMSTE
2.1 Toegedeelde fondse
Toegedeelde fondse behels Departementele toewysings, asook direkte koste teen inkomstefonds (d.w.s.
statutêre toewysing). Toegedeelde fondse word in die finansiële rekords erken op die datum wat die
toedeling in werking tree. Aansuiwerings gemaak ooreenkomstig die aansuiweringsbegrotingsproses
word in die finansiële rekords erken op die datum waarop die aansuiwerings in werking tree.
Onverwagte toegedeelde fondse word teruggestort in die Provinsiale Inkomstefonds. Enige bedrae wat
geskuld word aan die Provinsiale Inkomstefonds aan die einde van die finansiële jaar, word as betaalbaar
in die staat van finansiële posisie erken. Enige bedrag betaalbaar uit die Provinsiale Inkomstefonds aan
die einde van die finansiële jaar word as ontvangbaar in die staat van finansieële posisie erken.
86 Departement van Omgewingsake en Ontwikkelingsbeplanning - Jaarverslag 2011/12