Jaarverslag 2011/12 - Western Cape Department of Environmental ...

WES-KAAP: OMGEWINGSAKE EN ONTWIKKELINGSBEPLANNING
BEGROTINGSPOS 9
VERSLAG VAN DIE REKENPLIGTIGE BEAMPTE
vir die jaar geëindig 31 Maart 2012
Die Rekenpligtige Beampte het die aansoek van viremente op 10 Mei 2012 goedgekeur in terme van bogeneoemde.
Redes vir die aansoek van viremente is soos volg:
- Program 1: Administrasie - hoofsaaklik a.g.v. opknapping om kantoorakkommodasiebehoeftes aan
te spreek.
- Program 3: Nakoming en wetstoepassing - as gevolg van toename in regskostes.
- Program 5: Biodiversiteitsbestuur – as gevolg van hoër projekkostes
- Program 6: Omgewingbemagtigingsdiense – as gevolg van hoër besteding.
Die volgende is die hoofstroom van inkomstebronne vir die Departement:
• Wet op Nasionale Omgewingsbestuur (NOB), Artikel 24G -boetes
• Bootterwaterlating-terreinpermitte
• Kommissie op versekering
• Toegang tot inligting
• Die verkoop van afvalpapier.
Die inkomste-begroting van R318 000 is met R1,320 miljoen oorskry hoofsaaklik as gevolg van inkomste
ingesamel ten opsigte van 24G-boetes.
2. DIENSTE GELEWER DEUR DIE DEPARTEMENT
Verslag word in Deel 2 van die Jaarverslag gedoen oor die lys dienste gelewer.
• Tariefbeleid
Al die tariewe word in ‘n tariefregister wat jaarliks hersien word, weerspieël.
• Gratis dienste
Geen gratis dienste is deur die Departement gelewer nie.
3. KAPASITEITSBEPERKINGE
Die implementering van die organisatoriese struktuur wat in 2010 goedgekeur is, is steeds ‘n uitdaging
as gevolg van befondsingsbeperkinge. Die Departement het steeds ‘n infaseer-benadering gebruik om
poste te vul, maar daar is steeds ‘n aantal onbefondsde poste wat nie gevul sal word nie, selfs in die nuwe
finansiële jaar.
4. BENUTTING VAN SKENKERFONDSE
In die 2011/12 finansiële jaar het die Departement voortgegaan met die proefprojek ter versterking
van die Inventarisontwikkeling en Risiko-bestuursbesluitneming vir Kwik: ‘n Bydrae in die Globale
Kwikvennootskap wat befonds is deur die Verenigde Nasies Instituut vir Opleiding en Navorsing
(VNIOEN). Die projek is voltooi volgens die lewerbares met ‘n bedrag van R184 523 wat gedurende die
finansiële jaar spandeer is. Die totale bedrag wat op die projek spandeer is vanaf 2010/11 is dus R206 291
wat ‘n balans van R6 316 laat wat aan die Inkomstefonds oorgedra is.
Departement van Omgewingsake en Ontwikkelingsbeplanning - Jaarverslag 2011/12
59