Jaarverslag 2011/12 - Western Cape Department of Environmental ...

VERSLAG VAN DIE OUDITKOMITEE
Ons bied met genoeë ons verslag vir die finansiële jaar wat op 31 Maart 2012 geëindig het.
Ouditkomiteelede en -bywoning
Ingevolge Kabinetresolusie word die Departement van Omgewingsake en Ontwikkelingsbeplanning deur
die Ekonomiese Klusterouditkomitee bedien. Die Ouditkomitee bestaan uit die lede wat hieronder gelys
word en moet volgens die goedgekeurde verwysingsvoorwaardes 4 keer per jaar vergader. In die huidige
jaar is ses vergaderings gehou.
Naam van lid Aantal vergaderings bygewoon
Mnr. P Jones (Voorsitter tot 31 Desember 2011) 4
Mnr. Z Hoosain (Voorsitter vanaf 1 Januarie 2012) 6
Mnr. R Kingwill 6
Me. L Hassan (Bedank 11 November 2011) 3
Mnr. K Larkin 4
Mnr. B van Staaden (Aangestel 1 Januarie 2012) 1
Mnr. M Burton (Aangestel 1 Januarie 2012, Bedank 15 Maart 2012) 1
Verskonings is ingedien en aanvaar vir vergaderings wat nie bygewoon is nie. ‘n Kworum is by al die
vergaderigns bereik.
Die Ouditkomitee rapporteer dat daar aan die verantwoordelikhede volgens Artikel 38(1)(a) van die
WOFB en Tesourieregulasie 3.1 voldoen is. Die Ouditkomitee rapporteer ook dat dit toepaslike formele
verwysingsvoorwaardes as Ouditkomiteehandves aanvaar het en sake in ooreenkoms met hierdie
handves gereguleer het en al sy verantwoordelikhede soos daarin vervat, vervul het.
Die doeltreffendheid van Ondernemingswye-risikobestuur (ORB) en interne beheer
Ooreenkomstig die WOFB en die King III-verslag oor korporatiewe bestuursvereistes, gee Interne
Oudit die Ouditkomitee en Bestuur die versekering dat die interne beheermaatreëls voldoende en doeltreffend
is. Dit word bereik deur ‘n risikogebaseerde Interne Ouditplan, Interne Ouditassessering van
die toereikendheid van beheermaatreëls wat die risiko’s mitigeer en die Ouditkomitee wat die
implementering van korrektiewe aksie monitor.
Ons het die verslae van die Interne Ouditeure, die Ouditverslag van die Finansiële Jaarstate en die
Bestuursverslag van die Ouditeur-Generaal van Suid-Afrika nagegaan. Benewens die sake wat in die
Ouditeur-Generaal se Oudit- en Bestuursverslae weerspieël word en die kwessies wat hieronder uitgelig
word, is geen materiële tekorte in die stelsel van interne beheer opgelet nie.
• Areas vir verbetering uitgelig deur interne oudit
Sleutelbeheertekorte is deur Interne Oudit in die volgende areas opgemerk:
• Boottewaterlatingterrein-lisensiëring
Regstellende aksies is ooreengekom deur bestuur en word deur die Ouditkomitee gemonitor.
• Doeltreffendheid en effektiwiteit van risikobestuur
Gedurende die jaar is verdere vordering gemaak met die van stapel stuur van Ondernemingwyerisikobestuur
(ORB) en die belyning van die sleutelrisiko’s van die Departement . Die Ouditkomitee sal
verdere vordering op ‘n kwartaallikse basis monitor.
52 Departement van Omgewingsake en Ontwikkelingsbeplanning - Jaarverslag 2011/12