Jaarverslag 2011/12 - Western Cape Department of Environmental ...

Werknemerkoste word gekapitaliseer tot die koste van ‘n kapitaalprojek wanneer ’n werknemer meer as
50% van sy/haar tyd aan die projek bestee. Hierdie betalings maak deel uit van uitgawe vir kapitaalbates
in die staat van finansiële prestasie.
3.1.2 Sosiale bydraes
WES-KAAP: OMGEWINGSDIENSTE EN ONTWIKKELINGSBEPLANNING
BEGROTINGSPOS 9
REKENKUNDIGE BELEIDE
vir die jaar geëindig 31 Maart 2012
Werknemerbydraes tot post-werknemersvoordeleplanne met betrekking tot huidige werknemers word
in die staat van finansiële prestasie as koste hanteer wanneer finale magtiging vir betaling op die stelsel
in werking tree (teen nie later nie as 31 Maart van elke jaar).
Geen voorsiening word gemaak vir aftreevoordele in die finansiële state van die Departement nie. Enige
potensiële aanspreeklikheid word in die finansiële state van die Nasionale Inkomstefonds openbaar
gemaak en nie in die finansiële state van die werknemer se departement nie.
3.2 Goedere en dienste
Betalings wat deur die jaar vir goedere en/of dienste gemaak word, word as uitgawe in die staat van
finansiële prestasie erken wanneer finale magtiging vir betalings op die stelsel in werking tree (teen
nie later nie as 31 Maart van elke jaar). Die uitgawe word geklassifiseer as kapitaal as die goedere
en/of dienste vir ‘n kapitaalprojek verkry is of as die totale aankoopprys die kapitaliseringsdrumpel
(tans R5 000) oorskry. Alle ander uitgawes word as lopend geklassifiseer.
Huur betaal vir die gebruik van geboue of ander vaste strukture word as goedere en dienste geklassifiseer
en nie as huur van grond nie.
3.3 Rente en huur van grond
Rente en huur van grond word as uitgawe in die staat van finansiële prestasie erken wanneer finale
magtiging vir betalings op die stelsel in werking tree (teen nie later nie as 31 Maart van elke jaar). Hierdie
item sluit huur vir die gebruik van geboue of ander vaste strukture uit. As dit nie moontlik is om tussen
betaling vir die gebruik van grond en die vaste strukture daarop te onderskei nie, moet die hele bedrag
onder goedere en dienste aangeteken word.
3.4 Betaling vir finansiële bates
Skulde word afgeskryf wanneer as onverhaalbaar geïdentifiseer. Skulde afgeskryf is beperk tot die
bedrag van besparings en/of onderbesteding van toegedeelde fondse. Afskryf gebeur by jaareinde of
wanneer fondse beskikbaar is. Geen voorsiening word gemaak vir onverhaalbare bedrae nie, maar ‘n
raming word in die aantekeninge by openbaarmaking van die bedrae op die finansiële state ingesluit.
3.5 Oordragte en subsidies
Oordragte en subsidies word erken as ‘n uitgawe wanneer die finale magtiging vir die betaling op die
stelsel aangebring is (teen nie later nie as 31 Maart van elke jaar).
3.6 Ongemagtigde uitgawes
Wanneer bevestigde ongematigde uitgawes as ‘n bate in die staat van finansiële posisie erken word
totdat die uitgawes deur die toepaslike gesag erken word, dit van die verantwoordelike persoon verhaal
word of as onverhaalbaar afgeskryf word in die staat an finansiële prestasie.
Ongemagtigde uitgawe goedgekeur met befondsing word in die staat van finansiële prestasie ontken
wanneer die ongemagtigde uitgawes goedgekeur word en die verwante fondse ontvang word. Waar die
bedrag goedgekeur word sonder befondsing, word dit in die staat van finansiële prestasie op die datum
van goedkeuring as uitgawes erken.
88 Departement van Omgewingsake en Ontwikkelingsbeplanning - Jaarverslag 2011/12