Jaarverslag 2011/12 - Western Cape Department of Environmental ...

4.7 Inventaris
Inventarisse wat vir erkenning kwalifiseer moet aanvanklik teen koste gereflekteer word. Waar inventarisse
teen geen koste verkry word, of vir nominale oorweging, sal hulle koste hul billike waarde
op die datum van aanskaffing wees. Alle inventarisitems word met geweegde gemiddelde koste of
EIEU-kosteformule weergegee.
4.8 Kapitaalbates
4.8.1 Roerende bates
Aanvanklike erkenning
‘n Kapitaalbate word in die bateregister opgeteken wanneer die item teen kosprys ontvang word. Koste
van ‘n bate word gedefinieer as die totale koste van aanskaffing. Waar die koste nie akkuraat bepaal
kan word nie, word die roerende kapitaalbate teen billike waarde gegee. Waar billike waarde nie bepaal
kan word nie, word die kapitaalbate in die batregister teen R1 ingesluit. Alle bates wat voor 1 April 2001
aangeskaf is, word teen R1 by die register ingesluit.
Latere erkenning
Latere uitgawes van kapitale aard word in die staat van finansiële prestasie as “uitgawe vir kapitaalbates”
opgeteken en word in die bateregister van die Departement gekapitaliseer sodra die projek klaar is.
Herstelwerk en instandhouding word as koste as lopende “goedere en dienste” in die staat van finansiële
prestasie hanteer.
4.8.2 Onroerende bates
Aanvanklike erkenning
‘n Kapitaalbate word by ontvangs van die item opgeteken teen kosprys. Koste van ‘n bate word
gedefinieer as die totale koste van aanskaffing. Waar die koste nie korrek bepaal kan word nie word, die
onroerende bate teen R1 aangeteken tensy die billike waarde vir die bate betroubaar geskat kon word.
Latere erkenning
Werk waarmee tans besig is en wat van kapitale aard is, word in die staat van finansiële prestasie as
“uitgawe vir kapitaalbates” opgeteken. By voltooiing word die totale koste van die projek by die
bateregister van die Departement wat vir die bate verantwoordelik is, ingesluit. Herstelwerk en instandhouding
word as koste as lopende “goedere en dienste” in die staat van finandiële prestasie hanteer.
4.8.3 Ontasbare bates
Aanvanklike erkenning
‘n Ontasbare bate word by ontvangs van die item in die bateregister opgeteken teen kosprys. Koste van
‘n ontasbare bate word gedefinieer as die totale koste van aanskaffing. Waar die koste nie korrek bepaal
kan word nie, word die ontasbare bate teen billike waarde gegee.Waar billike waarde nie bepaal kan
word nie, word die ontasbare bate in die bateregister teen R1 ingesluit. Alle tasbare bates wat voor 1 April
2001 aangeskaf is, word teen R1 by die register ingesluit.
Latere besteding
Latere uitgawes van kapitale aard word in die staat van finansiële prestasie as “uitgawe vir kapitaalbates”
opgeteken en word in die bateregister van die Departement gekapitaliseer. Instandhouding word as
uitgawe in lopende “goedere en dienste” in die staat van finansiële prestasie hanteer.
5. LASTE
5.1 Betaalbares
WES-KAAP: OMGEWINGSDIENSTE EN ONTWIKKELINGSBEPLANNING
BEGROTINGSPOS 9
REKENKUNDIGE BELEIDE
vir die jaar geëindig 31 Maart 2012
Erkende betaalbare rekeninge behels hoofsaaklik bedrae wat aan ander regerinstentiteite geskuld word.
Hierdie betaalbares word teen koste in die staat van finansiële posisie gedra.
90 Departement van Omgewingsake en Ontwikkelingsbeplanning - Jaarverslag 2011/12