Jaarverslag 2011/12 - Western Cape Department of Environmental ...

DIE REKENPLIGTIGE BEAMPTE SE VERSLAG AAN DIE UITVOERENDE GESAG
EN PROVINSIALE WETGEWING VAN DIE WES-KAAP
Op 3 September 2011 het die Hoof van die Departement, Rudi Ellis, te sterwe gekom na ‘n lang siekte. ‘n
Eerbetoon aan hierdie gesiene kollega verskyn elders in hierdie Jaarverslag. Piet van Zyl is aangestel as
die nuwe Hoof van Departement met effek van 1 Januarie 2012.
1. ALGEMENE OORSIG VAN DIE STAND VAN FINANSIëLE SAKE
Die Departement het tydens hierdie verslagtydperk voor talle beleidsbesluite en strategiese kwessies te
staan gekom, wat onder andere die volgende insluit:
1.1 Beleidsontwikkeling en strategiese kwessies
• Wetgewing rakende Grondgebruikbeplanning
’n Konsepwet op Grondgebruikbeplanning is voltooi, geadverteer vir kommentaar en openbare
vergaderings is by die distriksmunisipaliteite en in die Kaapse Metropool gehou. Die Departement
hersien tans die kommentaar wat ontvang is. Die doelwit is om die wet bekend te maak teen
April 2013. Parallel met hierdie provinsiale proses, koördineer die Departement ook die provinsiale
hersiening van die Konsepwetsontwerp of Ruimtelike Beplanning en Grondgebruikbestuur wat deur
die Departement van Landelike Ontwikkeling en Grondhervorming vrygestel is vir kommentaar in
Februarie 2012.
• Bekendmaking van die wysigings aan die Wet op Nasionale Omgewingsbestuur (WNOB) (Wet No.
107 van 1998), Regulasies insake Omgewingsimpakassessering (OIA)
Met die gewysigde WNOB OIA-regulasies wat effektief was op 2 Augustus 2010, het die Departement
gedurende 2011/2012 sy OIA-riglyne en Inligtingdokumentreeks bygewerk en 13 eksterne kapasiteits-
bouwerkswinkels oor die gewysigde WNOB OIA-regulasies aangebied. Die Departement het ook
aktief deelgeneem aan die wethervormingsproses wat onderweg is om verdere wysigings aan die
WNOB OIA-regulasies en die Wysigingswetsontwerp op Nasionale Omgewingsbestuur, 2011 te maak.
In hierdie opsig is kommentaar voorsien aan die Nasionale Departement van Omgewingsake en die
Departement het aktief betrokke geraak gedurende die verskillende forums wat deur die nasionale
Departement georganiseer is.
• Wes-Kaapse Wet op Biosfeerreservate
Op 13 Desember 2011 het die Provinsiale Kabinet die Wes-Kaapse Wet op Biosfeerresservate, 2011
(Wet No. 6 van 2011) goedgekeur. Die Departement is tans in die proses om die Regulasies insake
Biosfeerreservate op te trek.
• Konsepregulasies in sake Wes-Kaapse Gesondheidsorg-risiko-afval
Die Konsepegulasies insake Wes-Kaapse Gesondheidsorg-risiko-afval (WKGSRA) is gefinaliseer en
drie openbare deelname-werkswinkels is gedurende Julie en Augustus 2011 aangebied. Die finale
konsepregulasies is aan die Provinsiale Minister van Gesondheid voorgelê vir kommentaar. Goed-
keuring om die WKGSRA-regulasies te publiseer sal dan van die Minister van Plaaslike Regering,
Omgewingsake en Ontwikkelingsbeplanning verkry word.
• Groenverkrygingsbeleid (GVB)
WES-KAAP: OMGEWINGSAKE EN ONTWIKKELINGSBEPLANNING
BEGROTINGSPOS 9
VERSLAG VAN DIE REKENPLIGTIGE BEAMPTE
vir die jaar geëindig 31 Maart 2012
Die Konsepwitskrif op Groenverkryging is gefinaliseer en die Departement het ‘n openbare kommen-
taarwerkswinkel met sleutelamptenare van die Wes-Kaapse Regering (WKR) en eksterne
belanghebbendes aangebied. Die finale GVB en kosteverslag is in die proses om aan die Provinsiale
Topbestuur en Kabinet voorgelê te word vir goedkeuring om te publiseer.
54 Departement van Omgewingsake en Ontwikkelingsbeplanning - Jaarverslag 2011/12