Jaarverslag 2011/12 - Western Cape Department of Environmental ...

SUBPROGRAM 4.3: BESOEDELING- EN AFVALBESTUUR
Doel:
Om afvalbestuurdiense te lewer, afvalbestuuraktiwiteite te reguleer deur die administrasie van die
afvalbestuurlisensiëringsproses, asook die monitering van die nakoming van die gereguleerde afvalbestuurfasiliteite
en ontwikkeling en implementering van afvalinligtingstelsels en die bevordering van
afvalvermindering. Afvalbestuur slut die fasilitering, ontwikkeling en implementering van geïntegreerde
afvalbestuurplanne in, asook om oorsig en steun aan munisipaliteite te voorsien.
Besoedelingbestuur fokus op die voorkoming en mitigasie van besoedeling en die bevordering van geïntegreerde
besoedelingbestuur en veilige en verantwoordelike chemikalieë-bestuur deur die ontwikkeling
en implementering van beleidinstrumente, aksieplanne, inligtingbestuur en omgewingsrisikobestuur.
Strategiese Doelwit:
Om die volhoubare ontwikkelingsparadigma in omgewings- en ruimtelike beplanning en bestuur te
bevorder en kennis te neem van omgewingsverandering en ongelykhede aan te spreek.
Prestasieaanwysers en Mikputne:
Die aanwysers en mikpute word in die onderstaande tabel uiteengesit. Die sleutelprestasies vir die subprogram
is soos volg:
Sleutelprestasies:
Die Wes-Kaapse Volhoubare Waterbestuursplan vir die Provinsie is in konsultasie met die Projekbe-
stuurkomitee en Tegniese Komitee se verteenwoordigers van sleutel provinsiale Departement van die
Plaaslike Regering en Menslike Nedersettings, Landbou, en Vervoer en Openbare Werke, insluitend die
Bellville-streekskantoor van die nasionale Departement van Waterwese, ontwikkel. Hierdie komitee het die
identifisering van sleutelprioriteitsaktiwiteite in die plan, wat die volgende insluit, oorsien:
• Verbetering van opleiding en kapasiteitsbou.
• Vestiging van ‘n gesentraliseerde waterwerkgroep.
• Verbetering van waterbesparing en aanvraagbestuur in alle sektore.
• Ontwikkeling van rivierbestuur en instandhoudingsplanne.
• Ontwikkeling van ‘n gesentraliseerde omgewing en waterinligtingpoort.
• Insluit en koördinering van waterinligting en ekologiese integriteit in die bestaande beplanning-
en ontwikkelingsproses.
• Beïnvloed die dringende vestiging van Opvangsbestuuragentskappe (OBA) waar nodig in die Provinsie.
• Ontwikkel ‘n 1ste generasie Kwikemissie-inventaris vir die Wes-Kaap, gebaseer op die Verenigde
Nasionale Omgewingsprogram (VNOP) se instrumentstel wat die potensiële bronne van kwikemissie
na die Wes-Kaap identifiseer.
• Ontwikkel ‘n Kwikrisikobestuursplan vir die Provinsie om die geïdentifiseerde kwikrisiko’s aan te
spreek. Implementering van die Kwikrisikobestuursplan sal gedurende die nuwe finansiële jaar begin.
• Voorsien drie opleidingswerkswinkels aan die vervoersektor oor die rapportering van die Wet op
Omgewingsbestuur artikel 30 Noodinsidente. Die meerderheid van sulke insidente hou verband met
voertuigongelukke wat lei tot petrol en chemikalieë wat in die omgewing mors.
• Bied twee forums oor die Wet op Nasionale Omgewingsbestuur (WNOB) artikel 30 saam met Munisi-
paliteite in die Wes-Kaap aan.
• Voltooi kartering van potensiële besoedelingspuntbronne in 5 prioriteitsriviermondings in die Provinsie,
as deel van die implementering van die Provinsiale Aksieprogram vir die vermindering van landgebaseerde
besoedeling in die mariene omgewing. Dit voorsien die grondwerk vir die bepaling van besoedelings-
bronne wanneer insidente voorkom en korrelering van watergehaltemoniteringsresultate. Tesame met
die inligting wat verkry word deur deel te neem aan Riviermonding-forumvergaderings in die Provinsie,
voorsien dit die basis om die terrein te bepaal waar rehabilitasie in een geprioritiseerde riviermonding
gedurende die volgende finansiële jaar gaan plaasvind.
38 Departement van Omgewingsake en Ontwikkelingsbeplanning - Jaarverslag 2011/12