Jaarverslag 2011/12 - Western Cape Department of Environmental ...

Die gehalte van in-jaar-bestuur en kwartaallikse verslae ingedien ingevolge die
WOFB en die Wet op Verdeling van Inkomste.
Die Ouditkomitee is tevrede met die inhoud en gehalte van kwartaallikse verslae wat deur die
Rekenpligtige Beampte van die Departement in die verslagjaar voorberei en uitgereik is.
Evaluering van finansiële state
Die Ouditkomitee het:
• die geouditeerde Finansiële Jaarstate wat by die Jaarverslag ingesluit moet word met die Ouditeur-
Generaal en Rekenpligtige Beampte hersien en bespreek;
• die Ouditeur-Generaal se Bestuursverslag en die Bestuur se reaksie daarop hersien;
• veranderinge aan rekeningkundige beleide en praktyke soos van verslag gedoen in die Finansiële
Jaarstate hersien;
• die Departement se prosesse vir nakoming van regs- en regulerende bepalings hersien;
• die inligting oor voorafbepaalde doelwitte waarvan in die Jaarverslag verslag gedoen is, hersien
• die tussentydse finansiële state vir die ses maande geëindig 30 September 2011 soos aangebied
deur die Departement, hersien en waar van toepassing veranderinge aanbeveel; en
• wysigings voortspruitend uit die oudit hersien.
Die Ouditkomitee stem saam met en aanvaar die Ouditeur-Generaal se mening oor die Finansiële
Jaarstate, en stel voor dat die geouditeerde Finansiële Jaarstate goegekeur en saam met die verslag van
die Ouditeur-Generaal gelees moet word.
Interne oudit
Die Ouditkomitee rapporteer dat geen van die ses beplande areas van die goedgekeurde Interne
Ouditplan ter tafel gelê is teen 31 Maart 2012 nie as gevolg van operasionele hindernisse wat in die
eenheid ervaar is; en het remediërende aksie onderneem om herhaling hiervan te voorkom. Twee verslae
is egter na die jaareinde ter tafel gelê en die res is oorgedra na die volgende verslagsiklus.
Soos in die vorige jaar gerapporteer, is die Komitee van mening dat verdere ouditdekking nodig is en dat
daar ‘n behoefte vir addisionele kapasiteit is om die toenemende dekking van verdere hoërisiko-areas te
ondersteun.
Ouditeur-Generaal Suid-Afrika
Die Ouditkomitee het met die Ouditeur-Generaal Suid-Afrika vergader om seker te maak dat daar
geen onopgeloste kwessies is wat voortspruit uit die regulerende oudit nie. Korrektiewe aksies oor die
gedetailleerde bevindings wat voortspruit uit die huidige regulerende oudit sal op ‘n kwartaallikse basis
deur die Ouditkomitee gemonitor word.
Waardering
Die Ouditkomitee spreek graag sy waardering uit teenoor die Amptenare van die Departement, die
Ouditeur-Generaal Suid-Afrika en die interne Ouditeenheid vir die samewerking en inligting wat hulle aan
ons verskaf het om hierdie verslag op te stel.
Mnr. Z Hoosain
Voorsitter van die Ekonomiese Kluster-ouditkomitee
Datum: 13 Augustus 2012
Departement van Omgewingsake en Ontwikkelingsbeplanning - Jaarverslag 2011/12
53