Jaarverslag 2011/12 - Western Cape Department of Environmental ...

WES-KAAP: OMGEWINGSAKE EN ONTWIKKELINGSBEPLANNING
BEGROTINGSPOS 9
VERSLAG VAN DIE REKENPLIGTIGE BEAMPTE
vir die jaar geëindig 31 Maart 2012
verstewig deur die kultuur van risikobestuur soos vereis ingevolge artikel 36(1)(a)(i) van die WFOB goed
vas te lê.
Gedurende die 2011/12 finansiële jaar het die Departement strategiese en programrisiko’s geïdentifiseer
en in die departementele strategiese- en programrisiko-registers aangeteken.
Die Departement se Ondernemingsrisikobestuurplan is volledig geïmplementeer.
Finansiële openbaarmaking van Senior Bestuursdienslede is afgehandel en voorgelê aan die Openbaredienstekommissie
en die Departement van Staatsdiens en Administrasie. Die finansiële belang van die
personeellede op PERSAL is op ‘n kwartaallikse basis met die Kommissie vir Maatskappye en Intellektuele
Eiendom (KMIE) se nasionale databasis vergelyk. Die beleid oor vergoedingswerk buite die werkplek is
weer eens aan alle personeellede uitgereik. Daar word van personeellede vereis om vir goedkeuring by
die HVD aansoek te doen vir enige vergoedingswerk buite die werkplek. Hulle is weer vermaan om te
verseker dat hulle die nodige toestemming het, en gebrek daaraan sal uitloop op dissiplinêre aksie.
9. BEËINDIGDE AKTIWITEITE / AKTIWITEITE WAT BEËINDIG GAAN WORD
Geen
10. NUWE/VOORGESTELDE AKTIWITEITE
Die Nasionale Departement van Omgewingsake het voorgestel dat ‘n fooistruktuur vir omgewingsimpakassessering
(OIA)-aansoeke ingevolge die Wet op Nasionale Omgewingsbestuur (WNOB), Wet 107 van
1998, en afvalbestuurlisensie ingevolge die Wet op Nasionale Omgewingsbestuur: Afval geïmplementeer
word gedurende die 2012/13 finansiële jaar.
11. BATEBESTUUR
Departementele bates bestaan hoofsaaklik uit kantoormeubels en toerusting, inligtingtegnologie en
verwante toerusting en sagteware, luggehaltemoniteringstasies en mindere bates. Volgens die leiding
van die Provinsiale Tesourie, word Staatsmotorvervoer (SMV)-voertuie nou ook op die departementele
bateregister ingesluit. Toevoegings gedurende die finansiële jaar word gerekonsilieer tussen die rekenkundige
rekords en die bateregister. Wegdoening en oorplasings is ook op die bateregister aangeteken.
12. INVENTARIS
Die Departement maak nie gebruik van ‘n stoorfasiliteit vir inventarisdoeleindes nie. Alle verbruiksgoedere
word verkry en aan gebruikers by ontvangs uitgereik.
13. GEBEURTENISSE NA DIE VERSLAGDATUM
Geen
14. INLIGTING OOR VOOROPGESTELDE DOELWITTE
Vier kwartaallikse programprestasieverslae oor nie-finansiële inligting is aan die Provinsiale Tesourie en
Gedeelde Ouditkomitee voorgelê. Hierdie kwartaallikse verslagassesserings laat die Departement toe
om werklike prestasie teen die beplande mikpunte soos in die Prestasiejaarplan weerspieël, te monitor.
Gedurende die verslagtydperk is vier kwartaallikes Nasionale Uitkoms 10-vorderingsverslae ook aan die
nasionale Departement van Omgewingsake voorgelê.
Die implementering van die doelwitte soos ingesluit in die Prestasiejaarplan was onderhewig aan
in-jaar-monitering om te verseker dat hulpbronne effektief en doeltreffend gebruik word. Hierdie
in-jaar-monitering en verslagdoening verskaf insig in assessering wat bepaal of die Departement sy
prestasiemikpunte bereik het. Deel 2 van hierdie Jaarverslag rapporteer oor Prestasie-inligting.
Departement van Omgewingsake en Ontwikkelingsbeplanning - Jaarverslag 2011/12
61