Jaarverslag 2011/12 - Western Cape Department of Environmental ...

1.7 REKENPLIGTIGE BEAMPTE SE VERKLARING
Ek herhaal die sentimente van die Provinsiale Minister dat die strategiese oogmerk vir die tydperk onder
beskouing as toerekenbaarheid aan die burgers van ons Provinsie beskou kan word. Dit is ‘n motiverende
faktor vir ons span dat ons die omgewings- en beplanningswetgewing met deursigtigheid en in die belang
van die burgers bestuur. Ons Departement bestuur wegtewing wat ingeligte besluitneming vereis
om te verseker dat die ingewikkelde balans van volhoubare ekonomiese groei behou word sonder om die
natuurlike omgewing in gevaar te stel.
‘n Bedrag van R351, 262 miljoen is toegeken aan die Departement in die hoofbegroting vir die 2011/12
finansiële jaar. Gedurende die Wysigingsbegroting het dit met R2,728 miljoen verminder en die finale
begroting op R348,534 miljoen gebring. Die totale besteding vir die 2011/12 finansiële jaar het R348,467
miljoen beloop wat 99.98% van die totale begroting beloop. Die onbestede fondse tot die bedrag van
R67,000 as gevolg van vakante posste, is in die Provinsiale Inkomstefonds teruggestort.
Daar is ‘n reeks uitdagings vir ons Departement, maar soveel as wat ons konteks ons uitdaag, het ons
meetbare uitkomste gelewer. Gedurende die 2011/12 finansiële jaar, is agt Ruimtelike Ontwikkelingsraamwerk-GAP-analises
voltooi. Hierdie GAP-analises is vir die volgende munisipaliteite voltooi: Swartland,
Matzikama, Sederberg, Swellendam, Beaufort -Wes, Oudtshoorn, Kannaland en Langeberg. Ruimtelike
Ontwikkelingsraamwerke is vir Theewaterskloof, Kaap Agulhas- en Hessequa-munisipaliteite gefinaliseer.
Die oorblywende drie Ruimtelike Ontwikkelingsraamwerke, wat ook in hierdie finansiële jaar gedeel is, sal
gedurende die eerste kwartaal van die 2012/13 finansiële jaar voltooi word (Bitou-, Mosselbaai- en Breede
Vallei-munisipaliteite).
Gedurende 2011/12 het die Ontwikkelingsfasiliteringseenheid beide strategiese en regulerende on-
dersteuning verwant tot beplanning en omgewingsbestuur aan Wes-Kaapse munisipaliteite en
staatsdepartemente gebied, en het ook eksterne en interne kapasiteitsbou gefasiliteer. In totaal is 397
versoeke/kwessies hanteer. In 100% van hierdie gevalle is advies en hulpverlening met die versoeke/
kwessies verskaf. 59 kapasiteitsbouwerkswinkels is in totaal gefasiliteer (26 interne werkswinkels en 33
eksterne werkswinkels).
Ons Jaarverslag weerspieël die lewer van doelwitte waartoe verbind is gedurende die beplanningstydperk.
Ons vermoë om beter as ‘n span saam te werk met alle sfere van die regering en belanghebbendes
om te verseker dat ons die natuurlike omgewing vir die toekomstige generasies beskerm, was sentraal
tot die lewer van hierdie doelwitte.
HOOF VAN DIE DEPARTEMENT
OMGEWINGSAKE EN ONTWIKKELINGSBEPLANNING
MNR. P. VAN ZYL
12 Departement van Omgewingsake en Ontwikkelingsbeplanning - Jaarverslag 2011/12