Jaarverslag 2011/12 - Western Cape Department of Environmental ...

Die afgelope finansiële jaar 2011/12 is gekenmerk deur die groter behoefte om die benadering tot die
implementering van projekte wat bydra tot die departementele doelwit om volhoubare ontwikkeling van
omgewingsverwante kwessies te bevorder, te hersien. Dit het die noodsaaklikheid van nuwe strategiese
denke en benadering aangespoor wat dit vir die Departement sal moontlik maak om nie net interne
belanghebbendes se bydrae tot die bereik van strategiese doelwitte te gebruik nie, maar ook eksterne
belanghebbendes s’n.
As deel van die nuwe strategiese denke en benadering binne die Wes-Kaapse Regering, het die
Departement die Leweringsooreenkoms vir die Nasionale Uitkoms 10 (NU10) hersien en is as die enigste
provinsie beskou wat tot die nasionale verfyning belyn het. Die ooreenkoms het nuwe doelwitte soos
“Groen Ekonomie” ingesluit wat van verskillende provinsiale departemente sal verwag om by te dra
tot verslaglewering op werklike prestasie. Die noodsaaklikheid om die Provinsiale Strategiese Doelwit 7
(PSD7) se uitkomste, aanwysers en doelwitte te hersien is geïnisieer ten einde areas te identifiseer om ‘n
omgewing vir alle belanghebbendes te skep om by te dra tot die geïdentifiseerde PSD7-fokusarea.
Die kapasiteitsbou, bewustheidsveldtogte, kompetisies en openbare deelname op alle fokusgebiede in lyn
met die Departementele strategiese doelwitte is met die publiek uitgevoer, soos biodiversiteit-kapasiteitbouintervensies,
klimaatverandering-mini-spitsberaad met munisipaliteite en gemeenskappe, volhoubare
leefstyl-werkswinkels oor gedragleefstyle, kusskoonmaakgeleenthede, marieneweekfeesvieringe
wat gemarginaliseerde en verarmde kusgemeenskapskole geteiken het, kusinduksieopleidingskursus
vir munisipale besluitnemers en staatsliggame om hulle in staat te stel om hul onderskeie
wetgewingsmandate uit te voer en hulle aan te moedig om goeie bestuurs- en kusbestuurspraktyke
toe te pas. Afvalbestuur in opvoedkundige opleidingswerkswinkels is gehou, asook omgewingsbewustheidsgeleenthede
wat Wêreldomgewingdag, Habitatdag, Boomplantdag en Wêreldvleigebiede-dag vier.
Die Eenheid vir Ontwikkelingsfasilitering het beide strategiese en regulerende ondersteuning verwant
tot beplanning en omgewingsbestuur aan die munisipaliteite en departemente in die Wes-Kaap gebied,
sowel as eksterne en interne kapasiteitsbouwerkswinkels gefasiliteer.
Viremente en hernuwings
Die oorspronklike begroting van die Departement vir die finansiële jaar was R351,262 miljoen.
Hierdie bedrag is met R2,728 miljoen verminder gedurende die wysigingsbegroting tot ‘n totaal van
R348,534 miljoen. Hierdie wysigings sluit in die addisionele befondsing van R182 000 vir die verlenging
van die Werknemersbystandprogram, R250 000 vir die 17de Verenigde Nasies Raamwerkkonvensie oor
Klimaatveranderingkonferensie van Party-aktiwiteite en ‘n vermindering van fondse van R3,160 miljoen
soos hertoegewys deur die Provinsiale Tesourie.
Aan die einde van die finansiële jaar het die finale besteding R348,467 beloop, wat gelykstaande is aan
99,98% toegedeelde fondse. Goedgekeurde viremente is toegepas deur die verskuiwing van fondse van
programme 2 en 4.
Ontwikkelinge wat op die departement se dienslewering geïmpakteer het
Die Departement is in die proses om wetgewing wat konsultasie met die Regsdienseenheid in die Wes-
Kaapse Regering vereis, te ontwikkel. Die konsultasie met die Regsdienseenheid het bygedra tot die finalisering
van die wette en regulasies, byvoorbeeld die Wes-Kaapse Regulasies insake Gesondheidsorgrisiko-afval.
Beduidende prestasies in die bereik van nasionale uitkoms 10 diensleweringsooreenkomsuitsette
Die implementering van die Leweringsooreenkoms soos onderteken tussen die Nasionale Minister van
Water en Omgewingsake en die Provinsiale Departement van die Plaaslike Regering, Omgewingsake en
Ontwikkelingsbeplanning is op ‘n kwartaallikse basis gerapporteer, en met die prestasies soos uitgelig
hieronder wys dit die belyning wat gevestig is in die Prestasie-jaarplan om te verseker dat die Departement
resultate lewer op die projekte wat tot die NU10 verbind, en dit is as volg:
16 Departement van Omgewingsake en Ontwikkelingsbeplanning - Jaarverslag 2011/12