Jaarverslag 2011/12 - Western Cape Department of Environmental ...

SUBPROGRAM 6.2: OMGEWINGSKOMMUNIKASIE EN -BEWUSMAKING
Doel:
Om die algemene publiek te bemagtig ten opsigte van omgewingsbestuur deur openbare bewusmaking
en om bewustheid en nakoming van omgewingswetgewing en omgewingsgerigte praktyke te bevorder.
Strategiese doelwit:
Om omgewingsbewustheid, jeug- en gemeenskapsontwikkeling te bevorder om progressiewe realisering
van omgewingsregte te verbeter.
Prestasieaanwysers en mikpunte:
Die aanwysers en mikpunte word in die onderstaande tabel uiteengesit. Die sleutelprestasies vir die
subprogram is soos volg:
Sleutelprestasies:
• Vier omgewingbewustheidsgeleenthede naamlik Wêreldomgewingsdag, Boomplantdag, Habitatdag
en Wêreldvleilanddag is gefasiliteer. Hierdie vieringe het Stad Kaapstad, Theewaterskloof -munisipaliteit,
Swartland-munisipaliteit, Eden-distriksmunisipaliteit en Kaap Agulhas-distriksmunisipaliteit ingesluit.
• Een Groenste Munisipaliteit-kompetiesie is aangebied. Die Groen Munisipaliteit-kompetiese is tussen
April 2011 en September 2011 aangebied en die toekenningseremonie is in Oktober 2011 by die
Departement aangebied. Die wenners van die 2011/12 Groenste Munisipaliteit-kompetisie was
Drakenstein-munisipaliteit in die 1ste plek, George-munisipaliteit in die 2de plek en Witzenberg
Munisipaliteit in die 3de plek en Eden-distriksmunisipaliteit het erkenning ontvang met ‘n spesiale
toekenning as die rolmodel vir plaaslike en distrikondersteuning.
• Kapasiteitsbouwerkswinkels vir volhoubare lewe is gehou in: Grabouw, Bredasdorp, Philippi,
Khayelitsha, Macassar en Nyanga. Bykomend het die Direktoraat: Volhoubaarheid in Augustus 2011
aan die Loopbaanuitstalling by die Kaapse Skiereiland Universiteit deelgeneem en in Desember 2011
die CapeNature Onderwyserswerkswinkel.
• 2Precious2Pollute-brosjure oor luggehaltevoordele van eko-bestuur is ontwikkel en versprei.
• Ses bewusmakingmateriaal oor hulpbrondoeltreffendheid en besoedelingvoorkoming is in die
2Precious2Pollute –program gemaak. Een DVD en vyf feitskrifte oor kwikbestuur is ontwikkel.
• Kantoor- en terreinevaluasies vir afvalbestuur uitgevoer by alle munisipaliteite in die provinsie wat die
Groenste Munisipaliteit-kompetisie voed.
• Drie kwartaallikse 2Wise2Waste Departementele Kampioene-vergaderings aangebied met verteen-
woordigers van alle Departement in die Wes-Kaapse Regering om verslag te lewer oor vordering van
die van stapel stuur van die hulpbrondoeltreffendheidsprogram en om enige uitdagings aan te spreek.
‘n Suksesvolle hulpbrondoeltreffendheid-uitstalling vir werknemers in die Wes-Kaapse Regering is in
November 2011 aangebied.
• Vier Geïntegreerde Kusbestuur-kapasiteitsbougeleenthede is aangebied. Kusskoonmaakgeleenthede
is in September 2011 gehou en gekoördineer in samewerking met die Stad Kaapstad. Dit is in Oktober
2011 gevolg deur die Marieneweek-vieringe wat gemarginaliseerde en verarmde kusgemeenskapskole
in die Overberg-, Eden- en die Weskusdistrikte geteiken het. ‘n Kusinduksie-opleidingskursus is in
November 2011 vir munisipale besluitnemers en staatsliggame van stapel gestuur om aan hulle
kapasiteit te verleen in hul onderskeie wetgewingsmandate en hulle aan te moedig om goeie bestuur
en kusbestuurpraktyke toe te pas.
46 Departement van Omgewingsake en Ontwikkelingsbeplanning - Jaarverslag 2011/12