Jaarverslag 2011/12 - Western Cape Department of Environmental ...

• Afvalbestuurbeplanning
WES-KAAP: OMGEWINGSAKE EN ONTWIKKELINGSBEPLANNING
BEGROTINGSPOS 9
VERSLAG VAN DIE REKENPLIGTIGE BEAMPTE
vir die jaar geëindig 31 Maart 2012
- Die Departement het die ontwikkeling van Bedryfsafvalbestuurplanne met 11 maatskappye binne
die Verbruikergeformuleerde Chemikalieë-sektor (VGCS) gefasiliteer.
- Die Wes-Kaapse Geïntegreerde Afvalbestuurplan was in lyn met die Nasionale Afvalbestuurs-
trategie (NABS).
- ’n jaarlikse Monitering- en Evalueringsverslag oor die implementering van munisipaalgeïntegreerde
afvalbestuurplanne is opgetrek.
• Wes-Kaap Volhoubare Waterbestuurplan (WKVWBP)
Die Departement het die ontwikkeling van die Wes-Kaapse Volhoubare Waterbestuurplan in same-
werking met die nasionale Departement van Waterwese en ander provinsiale departemente voltooi.
• Chemikalieë-bestuursplanne
‘n Eerste generasie Kwikemissie-inventaris vir die Wes-Kaap, gebaseer op die Verenigde Nasionale
Omgewingsprogram (VNOP) se insturmentstel wat die potensiële bronne van kwikemissie na die
Wes-Kaap identifiseer, is ontwikkel. ‘n Kwikrisiko-bestuursplan sal gedurende die 2012/13 finansiële
jaar begin.
• Provinsiale Plan van Aksie om Marienebesoedeling van Landgebaseerde Bronne te verminder
Die Departement het die kartering van potensiële besoedelingspuntbronne in die vyf prioriteits-
riviermondings in die Provinsie voltooi as deel van die implementering van die Provinsiale Program
van Aksie vir die vermindering van landgebaseerde besoedeling in die mariene-omgewing. Dit
voorsien die grondwerk om bronne van besoedeling te bepaal wanneer insidente voorkom en die
korrelering van watergehaltemoniteringresultate.
Tesame met die inligting wat verkry word deur deel te neem aan Riviermonding-forumvergaderings
in die Provinsie, voorsien dit die basis om die terrein te bepaal waar rehabilitasie in een gepriori-
tiseerde riviermonding gedurende die volgende finansiële jaar gaan plaasvind.
• Omringende Luggehalte-moniteringsprogram
Die Departement het omringende luggehalte by nege plekke binne die Provinsie (Worcester, George,
Malmesbury, St. Helenabaai, Oudtshoorn, Khayelitsha, Vissershok, Danabaai en Stellenbosch)
gemonitor en daaroor verslag gelewer.
• Ontwikkel ‘n Seevlakstyging-risikoassessering
Die seevlakstyging- en vloedrisikoassessering vir die Overberg-distrik is voltooi.
• Sonkragverwarmer-strategie
Vyf werkswinkels rondom die massa-implementering van sonkragverwarmer-strategie vir munisipal-
iteite is gefasiliteer.
• Uitgebreide Openbare Werke-programkoördinering
Die Departement het die verantwoordelikheid om die Omgewing- en Kultuursektor van die
Uitgebreide Openbare Werke-program in die Wes-Kaap te koördineer en as voorsitter op te tree. Agt
belanghebbendes-vergaderings is in die 2011/12 finansiële jaar gehou.
Departement van Omgewingsake en Ontwikkelingsbeplanning - Jaarverslag 2011/12
57