вÚàò ä²îØàôÂÚ²Ü Ð²ðòºð THE PROBLEMS OF THE HISTORY OF ...

կապ պաշտպանելու համար: Արգելքների երկարատև իրակա-
նացման պայմաններում Եգիպտոսի սուլթանությունում ապրա-
նքների` հատկապես սննդամթերքի գներն արագորեն աճում էին 1 :
Մի հիշատակության համաձայն` 1296 թ. սովի հետևանքով Ալեք-
սանդրիան, առանց ապօրինի ներկրված հացահատիկի, կարող
էր նույնիսկ անմարդաբնակ դառնալ 2 : Պատահական չէ, որ 1308
թ. Կղեմես V պապն (1305-1314 թթ.) ավելի է խստացնում արգելք-
ները` սպառնալով այն խախտողներին զրկել քաղաքացիական ի-
րավունքներից: Նա արտոնում է Հյուրընկալների միաբանության
ասպետներին բռնագրավել քրիստոնյաների նավերը, որոնք առև-
տուր էին անում մամլուքների տիրապետության տակ գտնվող բո-
լոր տարածքների հետ 3 : Հուլավյանների և պապության ու եվրո-
պական միապետերի միջև երկար բանակցությունները, որոնց
նպատակն էր միասնական պայքար կազմակերպել Եգիպտոսի
սուլթանության դեմ, անց-նում են ապարդյուն 4 :
Հենց այս ժամանակամիջոցում էր հակամամլուքյան ակտիվ
գործունեություն ծավալել վենետիկցի քաղաքական հայտնի գոր-
ծիչ Մարինո Սանուտո Տորսելլո Ավագը: 1306-1321 թթ., Սանու-
տոն մշակում էր ռազմաքաղաքական նախագծեր` ուղղված մամ-
լուքների դեմ ավելի արդյունավետ պայքար կազմակերպելուն: Եվ
արդեն 1321 թ. սեպտեմբերին նա Հռոմի պապ Հովհաննես XXII-ին
(1316-1334 թթ.) է ներկայացնում իր գաղտնի ծրագիրը, ըստ որի`
մամլուքների դեմ պայքարը պետք է ընթանար երեք փուլերով:
1 Muir S., The Mamluke or Slave Dynasty of Egypt, London, 1896, p. 49.
2 Ashtor E., նշվ. աշխ., էջ 21:
3 Menache S., Clement V, New York, 1998, p. 105. Ashtor E., նշվ. աշխ., էջ 19-21:
Housley N., The Avignon Papacy and the Crusades, 1305-1378, Oxford, 1986, p.
12-13.
4
Տե°ս Микаелян Г., նշվ. աշխ., էջ 439: Boyle J., The Il-Khans of Persia and the
Christian West, - The Mongol World Empire, XIII, London, 1977, p. 557-563.
110