VEELHEID EN BINDING

92
15. By oorweging van die moontlike interpretasie van
„oor die bloed, oor die klip. . ." as 'n kousaliteitsgewaarwording,
is gesê dat sodanige interpretasie die sake „bloed"
en „klip" tot simbole sou maak, waardeur D2 in konflik sou
raak met die tot dusver „metafoorlose" konteks (vgl. p. 50).
Ons het ook in die interpretasie van die verhouding tussen
„'n duisend vere" en „'n duisend kraaie" die moontlikheid
dat stylfigure daarmee aangebied word (pars Pro toto of
hiperbool) van die hand gewys omdat dit nie sou strook met
wat reeds op daardie stadium bekend was omtrent die vlak
van die gedig nie (vgl. p. 46). Ons het die vlak getipeer as
een waarin 'n „primitiewe" waarnemingswyse aan die orde
is — 'n afleiding wat ons o.m. gemaak het uit die konkrete
verhaal van episodes, en uit die „konkretisering" in C (vgl.
p. 44). En waar ons kon konstateer dat die afwesigheid van
beeldspraak kenmerkend is vir die situasie as geheel (dat die
konteks telkens die keuse van die konkrete, fisieke ding bo
die stylfiguur reguleer) is dié aspek waarin die situasie „aan
homself gelyk bly", 'n eenheidskonstituerende moment.
16. Ons moes 'n paar keer, in die analise van die werklik
praat; verskynsels-heid
van die gedig, van „onderbeligting"
wat onder dié noemer tuisgebring kon word, was versprei
deur die verskillende episodes. Die onbepaalde meervoude in
A, holtes (van 'n boom), kuddes (vee), is wel gepartikulariseer
deur voorsetselgroep en bepaling van spesifikasie respektiewelik,
maar het tog hul kern van onbepaaldheid behou
(vgl. p. 28). Die presiese aanduiding van wáár die botsing
tussen die broers geskied, word in die skadu gehou deur die
onbepaalde lidwoorde — 'n krans, 'n mik. In B word die lot
van die broer ook (letterlik) swewende gelaat, en die aandag
is na die volgende gebeurtenis verskuif. Wat gebeur met die
kraai (C) tussen sy verskyning op die spikkelkoei en die oomblik
toe 'n duisend vere sak, kon eers na die aanbod „die
bloed" in D met meer sekerheid gesê word. — Die selfaanspreking
„moenie kwes" is ook een van hierdie verskynsels.
En ten laaste het die vraag, nie 'n direkte mededeling