Create successful ePaper yourself
Turn your PDF publications into a flip-book with our unique Google optimized e-Paper software.
77<br />
die strofe heen met 'n vraagsin te doen het nie; ons moet dus<br />
vir die motivering van die inversie 'n aanloop soek. Dié aanloop<br />
vind ons in die vorige strofe — die strofe wat oopgelaat<br />
is om aangevul te word, nl. C. Daarom moet D(1+2) —<br />
waarvan die volgorde D1-D2 origens sintakties-struktureel<br />
bepaal is — aan die begin van die strofe staan, direk volgend<br />
op C4, en daarom is ook die volgorde D(1-í-2)->D(3+4)<br />
onomstelbaar.<br />
In twee gevalle, by die vraag na die volgorde van Bi en<br />
B2 en die volgorde van Cl en C2, het ons gesê dat die<br />
afdoende bewys vir die vaste volgorde in die feite-aanbod<br />
gesoek moet word. B2 moet naamlik volg op B1, omdat „hy<br />
val in 'n mik" die natuurlike gevolg is van die handeling in<br />
Bi — „ek stoot hom oor 'n krans" (vgl. p. 36). Ook by die<br />
drie gebeures-met-die-klip (in Cl en C2 verhaal) is 'n natuurlike<br />
planmatigheid (reeks) in die volgorde — eers die klip<br />
besweer, dan korrel, dan „nie kwes nie".<br />
Daarom is die volgorde C1-^C2a-^C2b ook vas.<br />
§ 6. Die ordening van die strofes: hul volgorde. 'n Vraag<br />
na die samehange in 'n gedig behels in ons geval ook die<br />
vraag of die volgorde van die strofes „noodwendig" is. Uiteraard<br />
is dit 'n punt waarop ons ons eksperimentshalwe moet<br />
losmaak van die volgorde van die strofes soos hulle deur die<br />
bladspieël aan ons voorgehou word. Deur substitusie van<br />
ander volgordes, verkry deur die omsetting van die strofes,<br />
sou dit moontlik wees om te bewys dat die gegewe volgorde<br />
ook die volgorde is waarin die grootste samehang bestaan,<br />
as ons kan bewys dat die gekonstrueerde volgordes „onmoontlik"<br />
is.<br />
Ons stel dus allereers in hierdie eksperiment die standpunt<br />
dat 'n noodwendige volgorde van strofes 'n faktor is in die<br />
ordening van die geheel, dat dit 'n bindmiddel is. Wanneer<br />
ons dus kan bewys dat die gegewe volgorde inderdaad the<br />
omstelbaar is nie, het ons daardeur 'n ordeningsprinsipe aangewys.