You also want an ePaper? Increase the reach of your titles
YUMPU automatically turns print PDFs into web optimized ePapers that Google loves.
62<br />
woord „toe" (C3) blootlê. Die begin van hierdie strofe-vorm<br />
is dus nie tegelykertyd die „begin" in linguistiese opsig nie.<br />
Linguistics lê die begin van D in C.<br />
Dl enjambeer na D2 en word weer dubbel voltooi, met<br />
twee voorsetselgroepe in adverbiale funksie. D2a en D2b is<br />
verder weerspieëling-in-miniatuur van die herhalingsverskynsel<br />
in Dl en C3 („sak 'n duisend vere” / „sak 'n duisend<br />
kraaie"; „oor die bloed, oor die klip").<br />
Die afsluiting van D2 verskil van die afsluiting in die<br />
posisioneel-ooreenstemmende verseindes A2, B2 en C2, waarin<br />
ons, ten spyte van variasies binne die versvorm, nog elke<br />
keer 'n begrensing deur 'n komma aangetref het, gevolg deur<br />
„toe" aan die begin van die volgende vers. In D2 is die model<br />
totaal verstoor: stippeltjies markeer die verseinde D2 wat<br />
terselfdertyd die einde van die sintaktiese eenheid C.D(1+2)<br />
is. Dat dit die einde van die sintaktiese eenheid is, is egter<br />
eers herkenbaar in die tipografiese gegewe dat die volgende<br />
vers met 'n hoofletter begin — stippeltjies is naamlik 'n<br />
hibridiese interpunksiemiddel (vgl. p. 52). Ons kan sê dat<br />
dit geen afsluiting is voordat 'n nuwe sin onteenseglik begin<br />
nie. En daarom kan ons van stippeltjies praat as die interpunksie-van-die-twyfel,<br />
die interpunksie wat nie „weet" of<br />
daar afgesluit word, en of daar vertraag word om daarna<br />
voort te gaan nie. 43<br />
D3 vang inderdaad aan met 'n uitroep, „O"; dit is 'n geheel<br />
nuwe sintaktiese eenheid van 'n soort wat volkome verskillend<br />
is van wat tot dusver aangebied was — 'n vraende eenheid.<br />
Samevattend kan 'n mens sê: na die toenemende versnelling,<br />
gekonstitueer deur die wyse waarop die strofe-vorm as gegewe<br />
beperking, sintakties steeds anders beset is, gekonsti-<br />
tueer deur steeds korter en meer sub-eenhede binne die strofe<br />
waarin die hoogste versnelling uiteindelik bereik-grense,<br />
word in die deurbreek van die strofegrens (deur die inter-<br />
43 Hiermee word nie verwys na 'n twyfel, 'n onmag by die digter of<br />
skrywer nie, maar alleen na die funksie wat sodanige interpunksie binne<br />
die teks het of kan hê.