VEELHEID EN BINDING

31
van „spikkelkoei" duidelik. Eersgenoemde gee reliëf aan die
besonderheid van die koei, één tussen vele; dit onderstreep
die unieke bestaanswyse van die spikkelkoei.
Ons herhaal „onderstreep ", want die eintlike indikators
van die unieke bestaanswyse van die koei t.o.v. kuddes vee
is die dubbele presisering wat die feitsaak „koei" kry, deur
die bepaalde lidwoord èn deur die eerste lid van die samestelling,
nl. spikkel-. In dié samestelling staan die eerste lid
in adjektiwiese verhouding tot die tweede, met die betekenis
„gespikkeld", wat aan die samestelling die betekenis „koei
met spikkels gemerk", of „gespikkelde koei" gee. 22
In die woordkorpus self word op dié wyse 'n besondere
soort koei gegee; die aard van die koei as verskyning, as
visuele waarneembaarheid, waarin sy byvoorbeeld van 'n
spookkoet verskil, word daarmee gesê.
Daar is reeds aangetoon dat die bepaalde lidwoord die
spikkelkoei-feitsaak as bekend veronderstel, 'n bekendheid
wat nie in die konteks self gemotiveer word nie 23 (vgl. p. 11).
Ook is gesê dat die bepaalde lidwoord die spikkelkoeifeitsaak
as bepaald stel teenoor die onbepaaldheid van die
kuddes vee, dus in enkelheid gefikseerd binne die onbepaalde
menigte. En na aanleiding van „kies" is die spikkelkoei tot
waardevolle, begeerlike objek binne die konteks gekonstitueer.
Tot dusver word hierdie feitsaak dus gegee as 1) in uiterlike
opsig gespesifiseer (spikkel-); 2) bekend (die); 3) bepaald
(die); 4) waardevol (uit kuddes gekies).
22 Vgl. Schönfeld's Historische Grammatica van het Xederlands,
Klankleer, Vormleer en Woordvorming (verzorgd door Prof. Dr. A. van
Loey met medewerking van Dr. M. Schönfeld), Zutphen 1954, p. 181:
„De nominale composita zijn in hoofdzaak determinatieve composita,
d.w.z. het tweede lid wordt door het eerste op de een of andere wijze
nader bepaald."
23 Vgl. Christophersen, a.w., p. 73: „The article the, by its association
with previous experience, adds special traits to the general meaning of
a word. By the unambiguous reference to outside knowledge (not
contained in the idea of the word itself), the word is felt to stand for
one definite individual and thus attains something of the nature of a
proper name."