You also want an ePaper? Increase the reach of your titles
YUMPU automatically turns print PDFs into web optimized ePapers that Google loves.
48<br />
kern, maar deur die bepalings word in die tweede geval 'n<br />
ander waarde daaraan gegee.<br />
(3) Binne die sprokiesf eer is dit ook moontlik om in D(1+2)<br />
van 'n gedaantewisseling te praat. Dan is „were" nie gelyk<br />
aan „kraaie" nie, maar die gebeure van D(1+2) vertel dan<br />
van 'n metamorfose — die vere het inderdaad kraaie geword.<br />
En hierdie kraaie sak (uit alle windstreke) „toe" oor die<br />
bloed, oor die klip. 'n Mens kan sê: voor die oë van die waarnemer-verteller<br />
word elke veer wéér 'n kraai, want die vere<br />
het tog in die eerste instansie van 'n kraai gekom. En een<br />
kraai se vere (wat 'n duisend vere geword het) word nou 'n<br />
duisend kraaie; duisendvoudig word die onheil geïntensifieer.<br />
Die werkwoord „sak" (D1) bly inmiddels nog binne die<br />
tydveld van „toe" (C3); die handeling duur voort, binne dieselfde<br />
handeling word die gedaantewisseling voltrek.<br />
Ons het in albei laasgenoemde interpretasies aangeneem<br />
dat „oor" 'n plek-aanduidende voorsetsel is. Indien wel, blyk<br />
dat daar tussen die taalvorme „sak" en „oor" op betekenisvlak<br />
'n klein botsing ontstaan. „Sak" dui as werkwoord<br />
primêr iets van 'n vertikale beweging aan, 'n gaan-na-benede<br />
(Van Dale gee die betekenis van „zakken" aan as: „dalen,<br />
nederwaarts —, naar een lager niveau gaan ...") „Oor",<br />
daarenteen, het as betekeniskern 'n „horisontale" aanduiding<br />
(Van Dale: „boven, op enige afstand in bovenwaartse richting").<br />
Dit sê in ons geval dat tot by, tot bo die bloed, die<br />
klip gesak word, maar nie heeltemaal op nie, dus nie direk<br />
tot by die bloed en klip nie. Die sakbeweging van die kraaie<br />
(na benede) word m.a.w. gesuspendeer oor die bloed en die<br />
klip. Hierdie „stand van sake" word miskien die beste ver<br />
deur die Engelse woord „hover". 'n Mens kan sê dat<br />
-duidelik<br />
hierdie gebruik van „oor" by „sak" die kraaie nog weghou<br />
van die bloed en die klip in die episode wat in D(1-í-2) verhaal<br />
word.<br />
Maar „oor" kan in hierdie sintaktiese verband ook nog in<br />
'n ander betekenis in gebruik tree, wat 'n volgende interpretasie<br />
moontlik maak.