You also want an ePaper? Increase the reach of your titles
YUMPU automatically turns print PDFs into web optimized ePapers that Google loves.
45<br />
waarin die vertelling afspeel, dus nader gepresiseer; dit is 'n<br />
wêreld waarin die norme van die primitiewe mens geld vir<br />
die wyse waarop dinge waargeneem word, nl. konkreet en<br />
enkel, sonder abstrahering.<br />
§ 8. Die episode C onderskei hom van die vorige twee<br />
in dié opsig dat dit nie so uitdruklik afgeslote is as A en B<br />
nie. Wél is C in poëtieke opsig op dieselfde wyse as A en B<br />
geïsoleer — dit is deur vers- en strofe-einde van D geskei.<br />
Maar die sintaktiese afsluiting deur interpunksie is van 'n<br />
geheel ander aard. In teenstelling tot die definitiewe eindmarkering<br />
met punt aan die einde van A en B, is die streep<br />
as interpunksiemiddel aan die einde van C4 'n aanduiding<br />
dat die voorafgaande aanbod nog nie voltooi is nie.<br />
Oor die algemeen kan gesê word dat, wanneer 'n streep<br />
binne 'n sin nie deur 'n tweede gevolg word nie, d.w.s. wanneer<br />
daar geen parentese aangedui word nie, die streep die<br />
aanbod oophou, die afsluiting daarvan vertraag ten einde<br />
'n aanvulling binne dieselfde sintaktiese geheel moontlik te<br />
maak. Bv. „Die leun was sewe jaar oud toe sy moeder oorlede<br />
is — oud genoeg om 'n blywende indruk van die gebeurtenis<br />
te behou."<br />
Dikwels is die aanvulling in die kader van 'n feitelike<br />
hervatting, bv. ,,... die ritme en hele vers nader meestal die<br />
prosa en 'n vormloosheid — 'n vormloosheid wat een van die<br />
swakhede van die impressionisme is."<br />
Insgelyks berei die streep aan die einde van C(3+4) in ons<br />
situasie voor op 'n hervatting: 'n sintaktiese hervatting en ook<br />
'n feitelike hervatting. Oor die strofiese skeiding tussen C en<br />
D heen word D(1+2) binne die sintaktiese geheel van C<br />
getrek; ons het vroeër trouens daarop gewys dat die aanbod<br />
D(1-á-2) binne die tydveld wat deur „toe" in C3 opgestel is,<br />
val (vgl. p. 21 hierbo). Maar daarby bly die strofe-einde in sy<br />
funksie van begrensing tog gehandhaaf: al wat hervat word<br />
uit C in D is die eerste drie woorde „sak 'n duisend". Daarna<br />
blyk dat 'n ander feitsaak deur dié vorme in D gepresiseer