You also want an ePaper? Increase the reach of your titles
YUMPU automatically turns print PDFs into web optimized ePapers that Google loves.
51<br />
gestort is), die klip (waarmee gegooi is). Hierdie abstraksie<br />
word deur die gebruik van „oor" as „onvrede van" geaktiveer.<br />
Ook hier moet ons tot die slotsom kom dat abstraksie uiteraard<br />
in konflik met die vlak van ons situasie is: om „die<br />
bloed" en „die klip" as simbole te interpreteer, veronderstel 'n gebruik<br />
van taal wat nie van hierdie wereld-van-die-gedig is nie.<br />
Die bepaalde lidwoorde van D2 is bowendien sleutels tot 'n<br />
hegter geïntegreerde interpretasie van die aanbod D2.<br />
„Bloed" het as feitsaak an sich tot dusver nog nie in ons<br />
situasie voorgekom nie. Die bepaalde lidwoord is m.a.w. nog<br />
nie eksplisiet voorberei nie (vgl. p. 9 hierbo). Maar daar was<br />
wel 'n implisiete voorbereiding in C(1+2) waar ons in 'n<br />
daad-van-uit-die-weg-ruim sprake van „(moenie) kwes" gehad<br />
het. En daarom is die bloed, die bloed van dié ding wat<br />
deur die klip gedood is. In ons ondersoek onder die aspek van<br />
die sig-vormende vorm kon ons alleen sê dat die kraai van<br />
B in C aanwesig was, dat dié kraai veer-waai gegooi is. Nou<br />
word, in die gevormde vorm, deur „die bloed" die leemte<br />
tussen C(1+2) en C(3+4) gevul met... die dood van die<br />
kraai — die kraai wat op die spikkelkoei gaan sit het. Ons<br />
aarsel om finaal te sê dat die dood van die kraai uitdruklik<br />
deur die konteks aangebied is — hier weer is 'n onderbeligting<br />
van die gewelddaad in C, net soos die gewelddaad in B<br />
nie end-uit gevolg is nie.<br />
Die bepaalde lidwoord by „klip" het sy eksplisiete kontekstuele<br />
grondslag in Cl: „Smeer vet aan 'n klip". Hier is dus<br />
'n soortgelyke geval as wat Christophersen beskryf: „The idea<br />
in question is called up in advance by means of the same<br />
word (in a-form) by which it is resumed later (in theform)".<br />
34 As ons, om die die-vorm by „klip" te verklaar, die<br />
kontekstuele basis in Cl vind, is die feitsaak „klip" in D2<br />
dieselfde as die feitsaak „klip" in Cl — dus die fisieke voorwerp,<br />
waaraan vet gesmeer is, en nie „beeldspraak" nie.<br />
— 'n Duisend kraaie, so interpreteer ons hiervolgens, sak<br />
oor die bloed van die (gedode) kraai, oor die klip waarmee<br />
34 Christophersen, a.w., p. 29.