Create successful ePaper yourself
Turn your PDF publications into a flip-book with our unique Google optimized e-Paper software.
6<br />
om die poësie-ondersoeker in sy keuse van 'n metode te<br />
help. 5 Ook Hellinga en Scholtz het in Kreatiewe Analise van<br />
Taalgebruik hul metode teen bestaande literêr-stilistiese<br />
metodes gemeet, en die resultaat daarvan was dat die „kreatiewe<br />
analise" homself met beslistheid bruikbaar verklaar het<br />
vir die literatuurwetenskap, in besonder vir die literatuur<br />
wat gekonfronteer word met probleme in 'n-wetenskaplike<br />
enkele gedig. 6<br />
En uit die aard van die vraagstelling na aanleiding van<br />
Sprokie van die Spikkelkoei het die gebruik van laasgenoemde<br />
metode inderdaad essensieel geblyk vir die oplossing van<br />
sommige van ons probleme. Ons het dus die verklaring aanvaar<br />
en die apparaat van die kreatiewe analise op ons gedig<br />
ingeskakel, waardeur ons die gedig in die eerste instansie as<br />
`'n taalsituasie gaan beskou het; deur verkenning en beskrywing<br />
van die taalvorme in hierdie situasie wou ons die aard<br />
van die struktuur ont-dek, en op dié wyse ook die geldigheid<br />
van ons aanvanklike probleme toets.<br />
Maar net soos die probleme gestel is in 'n poging tot interpretasie<br />
van die gedig, moes die ondersoek ook dien tot 'n<br />
vollediger interpretasie van die gedig, die hindernisse vir die<br />
verstaan van die gedig moes uit die weg geruim, die stem van<br />
die gedig hoorbaar gemaak word.<br />
§ 5. Die eerste twee probleme, en andere daarna, het in 'n<br />
toevallige volgorde na vore getree. Daar was naamlik geen<br />
besondere kategorie waarin hierdie problematiese verskynsels<br />
almal tuisgehoort het nie. Hierdie feit het ons by die aanvang<br />
van die ondersoek die vraag laat stel of die probleme een vir<br />
een ondersoek kan word sonder om die teks willekeurig oop<br />
te breek, sonder om die geheel van die gedig uit die oog te<br />
verloor terwyl ons met enkele aspekte daarvan besig is. Juis<br />
hierdie versekering gee die metode van die kreatiewe analise<br />
5 Vgl. F. J. Snijman, Literêre Styl met die oog op Stylondersoek,<br />
Assen 1945.<br />
6 A.w., p. 76-87 (Hoofstuk III: Stilistiek en Literatuurwetenskap).