VEELHEID EN BINDING

43
die noorde, suide", ens., omdat die vere dan van een punt
afkomstig is.
Ten tweede is die betekenis van die bywoorde „noord, suid,
oos, wes" (mede deur die afwesigheid van 'n voorsetsel om
die aanbod te verhelder) ook dubbelsinnig. Word daardeur
nou die windstreke bedoel? In dié geval word in C(3+4) gesê
dat die ruimte volstrek in beslag geneem word deur vere.
„Noord" is „die hele gebied noord van die kraai (en, miskien,
van die verteller, vanuit sy staanplek gesien)"; „suid" is die
„hele gebied suid van die kraai", ens. En die som van hierdie
vier aanduidings sou dan wees — „oral".
— Of word deur die aanbod in C4 rigtings bedoel? Dan
moet geïnterpreteer word dat hierdie duisend vere van een
kraai alleen afkomstig is, en dat hulle eers in alle rigtings
spat en dan sak. („Sak” is hier veral geïntegreer, want die
kraai sit bo die grond, „op die spikkelkoei").
Hier bied die teks o.i. albei moontlikhede tegelykertyd aan.
Albei betekenisse word versaaklik deur die anormale gebruik
van „noord, suid, oos, wes" sonder voorsetsel. En albei
moontlikhede kan uiteindelik in die konteks geïntegreer word,
weereens omdat ons binne 'n sprokieswêreld beweeg. Die
interpretasie sal dan lui: 'n Duisend vere is waarskynlik méér
vere as van een kraai. Die vere kom van die kraai wat „nie
net gekwes is nie", maar daar is meer vere as net dié van die
kraai. Die vere het in alle rigtings gespat, en alle windstreke
volgespat, sodat uit alle rigtings, uit alle windstreke nou vere
sak.