You also want an ePaper? Increase the reach of your titles
YUMPU automatically turns print PDFs into web optimized ePapers that Google loves.
84<br />
dit begin met die „intensiteit" van die imperatiewe, 'n nog<br />
onverklaarde voorbereiding tot 'n daad, en daarna: die gedaantewisseling<br />
soos in C(3+4) en D(1+2) vertel. Dan kom<br />
die vraag — waarvan die moontlikheid van 'n antwoord<br />
uitgesluit is deurdat die ruimte geheel en al onherbergsaam<br />
gemaak is volgens die informasie in C4. Die vraag verteenwoordig<br />
dan ook die emosionele hoogtepunt van die aanbod<br />
in C en D.<br />
In die verhalende hervatting wat volg (A) is daar geen<br />
skakel met die voorgaande gegee nie. Is A die antwoord op<br />
D? Kontekstueel is dit nie moontlik nie, want 'n antwoord op<br />
D is na aanleiding van C nie te gee nie. Ook is die informasie<br />
in A in feitelike opsig glad nie betrokke op die vraag nie.<br />
Die verhalende hervatting begin kennelik oor ander sake:<br />
'n nog onbekende „ek" word in sy radeloosheid gelaat en 'n<br />
verhaal oor die ontstaan van vee, 'n keuse van „my" broer,<br />
begin. En nou vir die eerste keer is daar, ná die titel, melding<br />
van die spikkelkoei. As hier dan eers van „die begin" gepraat<br />
word, wat was die funksie van die dramatiese inleiding?<br />
Waarom die hoogopgevoerde emosionaliteit, gevolg deur die<br />
saaklik-stellende? — Daar is 'n hiaat tussen die twee dele,<br />
en 'n negasie van die aanvanklik-gegewe spanning.<br />
Terwyl in C en D allerlei sake deur 'n feitelike versperring<br />
problematies word (deur wie word die imperatiewe ,,gespreek",<br />
tot wie gerig? wie is die slagoffer, vanwaar kom die<br />
bloed? en waarom die skielike intree van 'n „ek" in die<br />
situasie?), is in A en B die handelingsdrade almal saam<br />
eenheid (A-B). In formele opsig is hierdie-gevleg<br />
binne die<br />
twee dele weliswaar geïsoleer, onafhanklik, maar wat die<br />
feite-aanbod betref, is hulle komplementêr. Die verhouding<br />
tussen die twee dele (C-D) en (A-*B) kan dieselfde wees as<br />
by 'n „flash-back" in die filmtegniek: die aanvangsituasie<br />
intens, dramatjes, maar onverklaard ... en daarna die saaklike<br />
stem van 'n verteller wat die gebeure verhaal wat tot<br />
hierdie klimaks gelei het. Maar selfs in die „flash-back"patroon<br />
is hierdie volgorde geensins heg geïntegreer nie; die