Diccionariu toponímicu del conceyu de Xixón _bicolor_ - El Comercio

Diccionariu toponímicu del Conceyu de Xixón
rabiones o formando remolín. Na toponimia
de l’Asturies central ye bien corriente qu’un
sustantivu acabáu en -u quede fixáu con
una -o final.
●Etimoloxía: provién del llatín vulgar
*GURGŬLĬUM [gurgúlium], alteración del llatín
clásicu GURGŬLĬŌNEM [gurguliónem], col
significáu de ‘garganta, gargüelu’, n’alusión
al ruíu qu’un líquidu fai al tragase.
●Referencia al llugar: da tamién nome a
una fonte. La xente tien conciencia de que
Gorgoyo perteneció a Fano, gracies a un
trueque por Llongares, qu’antes tenía sío de
Santolaya Valdornón.
●Otres observaciones sobre’l nome: nos
mapes figuraba como «Gorgollo», pero esa
escritura nun correspuende a la
pronunciación de los falantes tradicionales
del llugar, qu’estremen la «ll» de la «y».
La Gotera
Llugar de la parroquia de Samartín de
Güerces, barriu d’El Monte.
●Formación del topónimu: el sustantivu
asturianu gotera significa ‘gotes que cayen
de contino’; ye un deriváu de gota ‘cantidá
pequeña de líquidu que cai con forma más
o menos esférica’, al que se-y amiesta’l
sufixu -era. Ye fácil albidrar que se refier a
un naciente d’agua, ye dicir, a una fonte
natural.
●Etimoloxía: gota vien del llatín GŬTTAM
[gúttam], col mesmu significáu; el sufixu -
era vien del llatín -ARĬAM [-áriam].
El Grancián
Llugar de la parroquia de Caldones, barriu
de Robleo.
●Formación del topónimu: palabra non
reconocible nel asturianu actual fuera del
usu como topónimu.
●Etimoloxía: puen echase delles hipótesis.
Pudiere tratase d’una variante del nome
propiu Gracián, aludiendo al amu de dalgún
terrenu o casería; esta mena de variantes
con una -n amestada al final d’una sílaba,
nun ye rara, y atopámosla tamién en
palabres como embarazada o
embaranzada, estrechu o estrenchu, poxa o
ponxa. La so etimoloxía taría nel nome
propiu llatín GRATIĀNUM [gratiánum],
acusativu de GRATIĀNUS ‘Graciano’, deriváu
de GRATĬA ‘gracia’. De nun ser esti l’orixe del
topónimu, podría pensase nun deriváu
históricu del sustantivu asturianu granda
(ver Granda).
GRANDA
Parroquia. Códigu alministrativu: 24.10.00.
Nome oficial anterior: «Granda».
●Formación del topónimu: trátase del
sustantivu asturianu granda, que tien estes
acepciones: ‘terrenu alto, llano y poco
granible’, ‘terrenu malo, con piedra y poca
vexetación’, ‘pasu malu y estrechu ente
peñes’, ‘fastera del monte onde paz el
ganáu’, ‘monte que tien munchu bericiu’,
‘conxuntu de plantes monteses que queden
en monte dempués d’una quema’.
●Etimoloxía: granda provién d’una forma
medieval gándara, depués gandra y pa
cabu granda 24 , derivada d’una voz *GAND o
*GANDA, d’una llingua prerromana y
precéltica de la Península, que daría llugar
a otres palabres asturianes actuales, como
gandaya ‘cosa de pocu valor, ensin
importancia’, ‘estéril d’una mina’ (y d’aende
‘xentecaya, xente malo, despreciable y de
pocu valir’), o castellanes como «gándara»
‘tierra baja, inculta y llena de maleza’.
L’historiador romanu Plinio informa del usu
de la palabra GANDARIA nes mines
d’Asturies, de xuru que pa referise a
estériles.
●Documentación histórica del topónimu:
«Testigos: […] Johan Rodraguiz de
Granda» (Monesteriu de San Pelayo
d’Uviéu, añu 1332); «Testigos: […] Johan
Perez de Granda, e otros» (añu 1336); «e
con la eredat de Granda, que es en el
conçejo de Gigon» (Cortes de Segovia, añu
1383); «Diego de Baldes de Granda, juez
ordinario» (Llibru del Cai, añu 1572); «E
luego paresçio Andres de Granda y mando
por la colaçion de Baones tres ducados»,
«En Granda y Baones, Gonçalo Garçia de
Granda» (Llibru Ordinariu, añu 1576); «E
luego nonbraron en Bahones y Granda a
Gonçalo Garçia, fijodalgo» (Llibru Ordinariu,
añu 1578); «paresçieron presentes de la
una parte el capitán don Fernando de
24 «Gandres» o «Gandras» ye la forma
medieval de Grandas (de Salime), y
«Gandra» ye como apaez el topónimu
Granda (de Siero) nun documentu de la
Catedral d’Uviéu-1, añu 921.
99