Diccionariu toponímicu del conceyu de Xixón _bicolor_ - El Comercio

Diccionariu toponímicu del Conceyu de Xixón
EL MONTE
Barriu de la parroquia de Samartín de
Güerces. Códigu alministrativu: 24.11.02.
Nome oficial anterior: «Monte».
●Ver los anteriores.
●Etimoloxía: ver l’anterior. El nome oficial
hasta agora, «Monte», desaniciaba l’artículu
inxustificadamente.
●Otres observaciones sobre’l nome:
l’antiguu cronista oficial de Xixón, Joaquín
A. Bonet, usaba’l nome de «El Monte de
Huerces».
El Monte
Llugar de la parroquia de Veriña, barriu de
Veriña de Riba.
●Ver los anteriores.
El Monte Fano
Llugar de la parroquia de Fano, barriu de La
Cuadra.
●Formación del topónimu: topónimu
compuestu formáu de dos elementos. El
primeru ye’l sustantivu asturianu monte
(ver El Monte); el segundu ye’l topónimu
Fano (ver Fano).
●Etimoloxía: ver El Monte y Fano. Ver
tamién el siguiente.
El Monte Fano
Llugar de la parroquia de Porceyo, barriu de
La Cerca Baxo.
●Formación del topónimu: de mano, pue
suponese la mesma formación que
l’anterior. De toes maneres, l’allugamientu
d’esti topónimu fai pensar qu’esi Fano nun
se refier a la parroquia xixonesa d’esi
nome, sinón a otru llugar de nome igual na
parroquia de Porceyo. Prescíndese de la
preposición de (sería orixinariamente El
Monte de Fano), fechu mui corriente nel
asturianu cuando ta precedida de vocal: un
vasu lleche, la casa Xuan, etc. Esti
topónimu escríbese en palabres xebraes,
porque caúna d’elles caltién el so acentu
propiu, nes sílabes «mon» y «fa».
●Etimoloxía: Ver El Monte y Fano.
El Monte los Llanos
129
Llugar de la parroquia de L’Abadía Cenero,
barriu de Piñera.
●Formación del topónimu: topónimu
compuestu formáu por dos elementos. El
primeru ye’l sustantivu asturianu monte
(ver El Monte). El segundu ye’l sustantivu
asturianu llanos, plural de llanu (ver El
Llano). Prescíndese de la preposición de
(en principiu sería El Monte de los Llanos),
fechu mui corriente nel asturianu cuando ta
precedida de vocal: un vasu lleche, la casa
Xuan, etc. Esti topónimu escríbese en
palabres xebraes, porque caúna d’elles
caltién el so acentu propiu, nes sílabes
«mon» y «lla».
●Etimoloxía: ver El Monte y El Llano.
●Otres observaciones sobre’l nome: na
mesma parroquia esiste tamién el topónimu
L’Alto los Llanos, de significáu mui
asemeyáu.
El Monte los Roderos
Llugar de la parroquia de Ruedes, barriu de
La Figar.
●Formación del topónimu: topónimu
compuestu formáu por dos elementos. El
primeru ye’l sustantivu asturianu monte
(ver El Monte). El segundu ye’l sustantivu
asturianu roderos, plural de roderu, que
pue interpretase como ‘planta alta del
xéneru Equisetum de la que sal un grupu
de cañines de cada nuevu del tueru’ (en
castellanu «cola de caballo»). Podría
pensase tamién que roderu tuviere un
significáu equivalente a rodera ‘pasu que se
dexa nun zarru d’una finca pa que pase’l
carru’, ‘camín fechu pa pasar un carru’.
Otra hipótesis menos probable, pero que
nun hai por qué dexar de citar, ye que
roderu tea equí significando κ ’fabricante de
ruedes’. Más improbable tovía ye que
roderu fuere un axetivu xentiliciu col
significáu de
κ ‘habitante de Ruedes’,
sobremanera porque esti tipu de topónimos
fórmense, lóxicamente, fuera del propiu
llugar al que se refieren. Prescíndese de la
preposición de (El Monte de los Roderos),
fechu mui corriente nel asturianu cuando ta
precedida de vocal: un vasu lleche, la casa
Xuan, etc. Esti topónimu escríbese en
palabres xebraes, porque caúna d’elles