Diccionariu toponímicu del conceyu de Xixón _bicolor_ - El Comercio

Diccionariu toponímicu del Conceyu de Xixón
N’asturianu ye frecuente que’l sustantivu
casa s’encurtie en ca cuando-y sigue otru
sustantivu (ta en ca Pedro), y d’aende
l’actual Cadianes. Según otra hipótesis,
arrancaríase del nome romanu CATĬLĬUS,
quiciabes amu d’una finca o casería no que
güei ye Carceo, terrenu que se llamaría en
xenitivu CATĬLĬANIS [katiliánis] ‘(finca) de
Catilius’. Por evolución fonética regular, esa
espresión pasaría na Edá Media a
*Cadeyanes, y pol mesmu fenómenu pol
que fiyu y guiyada se dicen tamién fíu y
guiada, pasó a pronunciase *Cadeanes,
desembocando nel actual *Cadianes. Una
tercer hipótesis, que pondría l’orixe del
topónimu nel nome llatín CATĬUS, tien menos
fundamentu.
●Referencia al llugar: llugar agora
deshabitáu.
●Documentación histórica del topónimu: nel
añu 1250 apaez «…de font bellida de parte
de contra Cadianes…». En 1821,
«Cadianes». Nel diccionariu xeográficu de
Madoz (1845-50) apaez citao como
«Cadiain», que nun pue ser otro qu’un
error de trescipción.
Cadrecha
Llugar de la parroquia de Castiello
Bernueces, barriu de Castiello Bernueces.
●Formación del topónimu: palabra non
reconocible nel asturianu actual fuera del
usu como topónimu.
●Etimoloxía: Cadrecha provién del llatín
CATARACTAM [kataráktam] ‘cascada, saltu
d’agua, catarata’, que yera palabra que los
romanos tomaron del griegu KATARÁKTÊS, col
mesmu significáu, deriváu del verbu
KATARÁSSÔ ‘llanzase o tirase de lo alto’,
compuestu de KATÁ ‘de lo alto, d’arriba
abaxo’ y ARÁSSÔ ‘llanzase, tirase’. Ente
CATARACTAM y Cadrecha hai una etapa
evolutiva intermedia, Cadreita, que pervive
nel asturianu occidental.
●Documentación histórica del topónimu:
nun documentu del Monesteriu de Santa
María de la Vega, añu 1508, pue lleese lo
que quiciabes seya una referencia a esti
topónimu: «…un prado segadio, que yaze
sola canpana de Santo Pedro de Vernuezes,
el qual dicho prado yaze a so ela fuente de
villa, el qual se determina de la partge de
çima por heredad de Fernan Suarez de
Vernuezes e de Diego Diaz de Cadrecha e
de Juan de Valençia…». Ye tamién probable
qu’otres menciones posteriores se refieran
a esti llugar: «Joan de Llanos de Cadrecha,
el mozo» (Llibru del Cai, años 1563 y
1567); «En Vernuezes a Sebastian de
Cadrecha» (Llibru Ordinariu, añu 1576); «y
en Castiello a pedro de Cadrecha» (Llibru
Ordinariu, añu 1577); «Pedro Menendez
Valdes, Gabriel de Cadrecha y Rodrigo
Fernandez Travanco, veçinos de esta villa y
conçejo» (Protocolos Notariales del
Conceyu de Xixón, añu 1650).
CAGÜEZO
Barriu de la parroquia de Samartín de
Güerces. Códigu alministrativu: 24.11.01.
Nome oficial anterior: «Cabuezo».
●Formación del topónimu: anque nun ye
seguro, esti topónimu pue ponese en
relación col sustantivu asturianu cabuexu o
caboxu ‘tueru vieyu y güecu d’un árbol’, en
relación tamién con cabornu o caborniu, del
mesmu significáu.
●Etimoloxía: desconozse, por más que ye
posible un orixe nun deriváu del llatín CAVUM
[káwum] ‘güecu’.
●Referencia al llugar: designa un molín en
ríu Llantones, tovía en funcionamientu.
●Otres observaciones sobre’l nome: el
nome oficial hasta agora, «Cabuezo», paez
una forma antigua autóctona, que tien mui
pocu usu na fala normal.
Calacierbes
Llugar de la parroquia de Porceyo.
●Formación del topónimu: palabra non
reconocible nel asturianu actual fuera del
usu como topónimu.
●Etimoloxía: nun tenemos elementos pa
interpretar el sentíu etimolóxicu d’esti
topónimu. En tou casu, puen ponese enriba
la mesa delles pieces llingüístiques que
podríen, quiciabes, entrar na formación de
lo que paez una palabra compuesta de dos
elementos 5 . Como primer elementu pue
5 Amás de los que se citen na nota
siguiente, paez axustase a un patrón
asemeyáu l’antiguu topónimu xixonés
«Calavierno» (monesteriu de San Pelayu,
añu 1399), y quiciabes «Cadabrunpy»
38