Diccionariu toponímicu del conceyu de Xixón _bicolor_ - El Comercio

More documents

Recommendations

Info

Diccionariu toponímicu del Conceyu de Xixón a esti tacones, ye posible que seya una alteración d’estacones (conozse tamién como San Andrés de los Estacones), plural d’estacón ‘estaca grande’, o d’estacona ‘aumentativu d’estaca’, deriváu d’estaca col sufixu -ón o -ona. (La evolución ye asemeyada a Tazones, en Villaviciosa, que vien d’Estazones, procedente d’estaciones ‘posaes, sitios de parada’). Más en concreto, un estacón ye una ‘estaca grande que s’espeta en suelu pa facer una sebe o pa zarrar un terrenu’. Ye posible qu’estos estacones caracterizaren n’otres dómines el paisaxe de la parroquia, cuando les marismes llegaben hasta la zona y el ríu Aboño yera navegable, usándose hasta’l sieglu XVIII como vía de tresporte de mercaderíes hasta la desembocadura. Los estacones en cuestión emplegaríense p’amarrar les barques, o bien como frente pa contener les agües del ríu. La palabra estaca ye d’aniciu xermánicu, de *STAKKA, col mesmu significáu. De toes maneres, esta interpretación nun ye segura, y nun pasa de ser una hipótesis suxerente. Per otru llau, atopámonos con que na Edá Media apaez documentada la forma «Santo Andrés de los Taçones», con una «ç» pronunciada na época como «ts», y que correspondería a una «z» moderna. Esti fechu lleva a pensar en dos formes, Tacones y Taçones, qu’en dalgún momentu quiciabes coesistieron; a nun ser que teamos ante un error d’escritura o de trescripción. ●Documentación histórica del topónimu: a lo llargo de la historia vemos esti topónimu citáu como San (o Santo) Andrés de los Tacones, como San (o Santo) Andrés, o como Los Tacones. En documentu del Monesteriu de San Pelayo d’Uviéu, del añu, 1332 lléese: «nos, Pedro González e Martín Ferrándiz, con mia muller, Orraca Pérez, moradores de San Tandres, que ye en Gigón»; trátase d’una segmentación tracamundiada de les palabres, en cuenta de Sant Andrés. Nel Inventariu de Parroquies asturianes del añu 1385, «Santo Andrés de los Taçones» apaez dientro del arciprestalgu de Carreño. Nel Llibru Ordinariu atopamos les diverses maneres de citar esti topónimu: «y nonbró a Alonso Garçia de Santo Andres, vezino desta villa», «En Billa y Santo Andres al dicho Juan Garçia de Arroyo», «Cabe a Santo Andres 186 de los Tacones…», «En Santo Andres, Alonso Gonçalez de la Reboria» (añu 1576); «el qual nonbro en las felegresias de Serino y los Tacones a Juan de Miguel en los Tacones, y en Serino a Juan Gonçalez de la Portiela» (añu 1577); «Santo Andres. E luego nonbraron en Santo Andres, Alonso Gonçalez, fidalgo, e no mas», «E luego el dicho liçençiado Çifuentes nonbro a Albaro de la Sala de Santo Andres», «Y en Santo Andres, Alonso Gonçalez de la Reboria» (añu 1578). Nel Catastro del Marqués de la Ensenada (1752) cítase esti topónimu como «Sn Andres de los Tacones», o simplemente «Tacones». Gregorio Menéndez Valdés, a fines del sieglu XVIII, cita «en la parroquia de San Andrés, de este Concejo». Nel diccionariu xeográficu de Madoz (1845-50) cítase como «Tacones» y como «Lacones», esti últimu un evidente error de trescripción. Nel «Plano Topográfico del Concejo de Gijon», de 1873, Lucas María Palacios, «Tacones». ●Otres observaciones sobre’l nome: el nome oficial hasta agora, «Tacones», nun correspuende a nengún usu popular nin tradicional. El nome popular d’esta parroquia ye tamién San Andrés de los Estacones, lo que concasa bien colo dicho enriba. L’usu actual espontaneu de la xente ye, simplemente, San Andrés, coincidiendo polo tanto col llugar homónimu (ver l’anterior). SAN ANTONIO Barriu de la parroquia de Deva. Códigu alministrativu: 24.06.08. Nome oficial anterior: «San Antonio». ●Formación del topónimu: topónimu compuestu formáu por dos elementos. El primeru ye l’elementu san, que ye apócope de santu. El segundu ye’l nome d’home Antonio. Trátase d’una advocación relixosa al mentáu santu. ●Etimoloxía: santu vien del llatín SANCTUM ‘sagráu, consagráu’, acusativu masculín de SANCTUS -A -UM, participiu del verbu SANCĪRE [sankíre] ‘consagrar, sancionar’. Pela so parte, el nome d’home Antonio ye d’orixe romanu, ANTONĬUM, acusativu d’ANTONĬUS, de significáu desconocíu.
Diccionariu toponímicu del Conceyu de Xixón SAN LLORIENZO Barriu de la parroquia de Somió. ●Formación del topónimu: topónimu compuestu formáu por dos elementos. El primeru ye l’elementu san, que ye apócope de santu. El segundu ye’l nome d’home Llorienzo. Trátase d’una advocación relixosa al mentáu santu. ●Etimoloxía: santu vien del llatín SANCTUM ‘sagráu, consagráu’, acusativu masculín de SANCTUS -A -UM, participiu del verbu SANCĪRE [sankíre] ‘consagrar, sancionar’. Pela so parte, el nome d’home Llorienzo ye d’orixe romanu: LAURENTĬUM [lauréntium], acusativu de LAURENTĬUS, deriváu del sustantivu LAURUM [láurum] ‘lloréu’. ●Referencia al llugar: San Llorienzo designa tamién un cabu de la mar que pertenez a esti barriu. Ver tamién La Providencia. ●Documentación histórica del topónimu: en documentu sobre xeres balleneres, del añu 1629, apaez como «Salorenço», «San Lorenço» y «S. Lorenço». Como curiosidá, pue comentase que nos mapes de fines del sieglu XVII y primer metá del XVIII, fechos na so gran parte por cartógrafos estranxeros, el topónimu «San Lorenzo» suel apaecer más al oeste, pa onde Candás. ●Otres observaciones sobre’l nome: Parque del Cabu San Llorienzo ye’l nome del parque inauguráu en 1997. SAN PELAYO Barriu de la parroquia de Caldones. Códigu alministrativu: 24.04.06. Nome oficial anterior: «San Pelayo». ●Formación del topónimu: topónimu compuestu formáu por dos elementos. El primeru ye l’elementu san, que ye apócope de santu. El segundu ye’l nome d’home Pelayo. Trátase d’una advocación relixosa al mentáu santu. ●Etimoloxía: santu vien del llatín SANCTUM ‘sagráu, consagráu’, acusativu masculín de SANCTUS -A -UM, participiu del verbu SANCĪRE [sankíre] ‘consagrar, sancionar’. Pela so parte, el nome d’home Pelayo significa n’orixe ‘marín, marineru’, y vien del llatín PĔLĂGĬUM [peláguium], acusativu de PĔLĂGĬUS, que se tomó del axetivu griegu PELÁGIOS [peláguios] ‘de la mar’, deriváu del sustantivu PÉLAGOS ‘mar’. 187 ●Referencia al llugar: nos mapes apaecía por error na parroquia de Valdornón. SANTA BÁRBARA Barriu del distritu Sur. ●Formación del topónimu: topónimu compuestu formáu por dos elementos. El primeru ye santa, y el segundu’l nome de muyer Bárbara, claramente castellanu, pues la espresión asturiana autóctona ye Bárbola, Bérbola y otres variantes que tán presentes na toponimia y na onomástica tradicionales. Trátase d’una advocación relixosa a la mentada santa. ●Etimoloxía: santa vien del llatín SANCTAM ‘sagrada, consagrada’, acusativu femenín de SANCTUS -A -UM, participiu del verbu SANCĪRE [sankíre] ‘consagrar, sancionar’. Pela so parte, Bárbara vien d’un nome romanu de familia, sacáu del axetivu llatín BARBĂRAM [bárbaram] ‘estranxera’, palabra tomada del griegu BÁRBARA, col mesmu significáu. ●Otres observaciones sobre’l nome: el nome tradicional d’esti llugar yera La Torre. SANTECÍA Barriu de la parroquia de Samartín de Güerces. Códigu alministrativu: 24.11.03. Nome oficial anterior: «Santa Cecilia». ●Formación del topónimu: palabra non reconocible nel asturianu actual fuera del usu como topónimu. ●Etimoloxía: Santecía provién del llatín SANCTAM CAECĪLĬAM [sánktam kaekíliam] ‘Santa Cecilia’, que d’acordies cola evolución fonética propia del asturianu dio llugar primero a *Santa Ceciya y llueu a *Santa Cecía, y depués simplificóse en *Santa Ecía (Santa Icía ye un topónimu hermanu del conceyu de Cangas del Narcea), axuntándose a lo último nuna sola palabra Santecía. SANCTAM, que da llugar al sustantivu santa, significaba en llatín ‘sagrada, consagrada’, y yera l’acusativu femenín de SANCTUS -A -UM, participiu del verbu SANCĪRE [sankíre] ‘consagrar, sancionar’. Pela so parte, el nome CAECĪLĬAM yera l’acusativu de CAECĪLĬA, que significaba ‘curtia de vista, ciega’, y yera un deriváu de CAECA [káeka] ‘ciega’. ●Referencia al llugar: Santecía ye tamién el nome d’un regatu que pasa pel llugar.
Page 4 and 5:
Diccionariu toponímicu del Conceyu
Page 6 and 7:
Page 8 and 9:
Page 10 and 11:
Page 12 and 13:
Page 14 and 15:
Page 16 and 17:
Page 18 and 19:
Page 20 and 21:
Page 22 and 23:
Page 24 and 25:
Page 26 and 27:
Page 28 and 29:
Page 30 and 31:
Page 32 and 33:
Page 34 and 35:
Page 36 and 37:
Page 38 and 39:
Page 40 and 41:
Page 42 and 43:
Page 44 and 45:
Page 46 and 47:
Page 48 and 49:
Page 50 and 51:
Page 52 and 53:
Page 54 and 55:
Page 56 and 57:
Page 58 and 59:
Page 60 and 61:
Page 62 and 63:
Page 64 and 65:
Page 66 and 67:
Page 68 and 69:
Page 70 and 71:
Page 72 and 73:
Page 74 and 75:
Page 76 and 77:
Page 78 and 79:
Page 80 and 81:
Page 82 and 83:
Page 84 and 85:
Page 86 and 87:
Page 88 and 89:
Page 90 and 91:
Page 92 and 93:
Page 94 and 95:
Page 96 and 97:
Page 98 and 99:
Page 100 and 101:
Page 102 and 103:
Page 104 and 105:
Page 106 and 107:
Page 108 and 109:
Page 110 and 111:
Page 112 and 113:
Page 114 and 115:
Page 116 and 117:
Page 118 and 119:
Page 120 and 121:
Page 122 and 123:
Page 124 and 125:
Page 126 and 127:
Page 128 and 129:
Page 130 and 131:
Page 132 and 133:
Page 134 and 135:
Page 136 and 137:
Page 138 and 139: Diccionariu toponímicu del Conceyu
Page 238 and 239:
Page 240 and 241:
Page 242 and 243:
Page 244 and 245:
Page 246 and 247:
Page 248 and 249:
Page 250:
show all

Diccionariu toponímicu del conceyu de Xixón _bicolor_ - El Comercio

You also want an ePaper? Increase the reach of your titles

Delete template?

Save as template?