Diccionariu toponímicu del conceyu de Xixón _bicolor_ - El Comercio

Diccionariu toponímicu del Conceyu de Xixón
LA PONTICA
Barriu de la parroquia de Cabueñes. Códigu
alministrativu: 24.03.03. Nome oficial
anterior: «Pontica».
●Formación del topónimu: alcontramos
equí’l sustantivu asturianu pontica ‘ponte
pequeña’, diminutivu de ponte (equí
femenín: la ponte) ‘construcción que se fai
penriba d’un ríu o d’una carretera pa poder
crucialos’ (en castellanu «puente»). El
sufixu -icu -ica -ico nun ye’l más usáu
n’asturianu pa formar diminutivos, pero’l so
usu popular ta perfectamente constatáu na
fala actual y na toponimia.
●Referencia al llugar: en La Pontica ta la
ilesia parroquial de Cabueñes. El llamáu
«Camping Municipal de Deva» nun ta nesa
parroquia, sinón na de Cabueñes, en barriu
de La Pontica.
●Etimoloxía: ponte vien del llatín PŎNTEM
[póntem], masculín, del mesmu significáu.
El sufixu diminutivu -ica vien del llatín
vulgar -ĪCCAM [-íkkam].
●Otres observaciones sobre’l nome: el
nome hasta agora oficial, «Pontica»,
desaniciaba l’artículu que ta presente na
espresión popular La Pontica.
La Pontica
Llugar de la parroquia de L’Abadía Cenero,
barriu de Sotiello.
●Formación del topónimu: ver l’anterior.
●Etimoloxía: ver l’anterior.
●Documentación histórica del topónimu: el
Catastro del Marqués de la Ensenada
(1752) cita’l llugar nestos términos: «Otro
[molín] En el termino de la Pontica de la
Parrochia de Zenero».
El Ponticu
Llugar de la parroquia de Caldones, barriu
de Robleo.
●Formación del topónimu: alcontramos
equí’l sustantivu asturianu ponticu ‘ponte
pequeña’, diminutivu de ponte (equí
masculín: el ponte); ver La Pontica.
●Etimoloxía: ver La Pontica. El sufixu
diminutivu -icu vien del llatín vulgar -ĪCCUM
[-íkkum].
El Pontón
162
Llugar de la parroquia urbana de Tremañes.
●Formación del topónimu: topónimu
formáu col sustantivu asturianu pontón
‘ponte grande’, aumentativu de ponte; ver
La Pontica. De toes maneres, pontón pue
significar tamién ‘ponte pequeña’.
●Etimoloxía: ver La Pontica. El sufixu -ón
vien del llatín -ŌNEM [-ónem].
PORCEYO
Parroquia. Códigu alministrativu: 24.17.00.
Nome oficial anterior: «Porceyo».
●Formación del topónimu: palabra non
reconocible nel asturianu actual fuera del
usu como topónimu.
●Etimoloxía: nun se conoz de cierto. Ye
posible supone-y un orixe nun nome
romanu d’home, PORCĬLĬUM [porkílium],
acusativu de PORCĬLĬUS ‘Porcilio’, que sería
l’amu d’una casería o d’un terrenu; trátase
d’un nome deriváu de PŎRCUM [pórkum]
‘gochu’, orixináu de xuru nun nomatu
personal o familiar. De toes maneres,
pudiere pensase tamién nun deriváu directu
de PŎRCUM, en referencia a un terrenu onde
abondaren los gochos monteses o xabalinos
(en castellanu «jabalíes»).
●Documentación histórica del topónimu: ye
frecuente la grafía con «ll», que d’acuerdu
coles pautes gráfiques históriques
n’asturianu, de xuru que ta representando
una pronunciación con [y] procedente de la
secuencia llatina -LI- + vocal. Asina, nel
Llibru del Cai: «Porzello», «Fernando
Gonzalez de Porzello» (añu 1567), «Diego
Sanchez de Porzello» (añu 1574), «Diego
Sanchez de Porzello» (añu 1571). Nel Llibru
Ordinariu úsense variaes grafíes nun
mesmu documentu, alternando la «ç» cola
«z» y la «ll» cola «y»: «Diego Sanchez de
Porçello», «En Porçello a Juan Alvarez»,
«Juan Amado de Porçello», «E luego
paresçio Juan Amado, vezino de Porçello y
mando por todo el diño año benidero de
alcavala por la dicha aldea de Porçello seis
ducados. No firmó que no sabe», «En
Porçello a Pedro Garçia de Porçello» (añu
1576); «Pedro Garçia de Porzeyo», «Pedro
Garçia de Porzello», «en la felegresia de
Porzello», «Diego Sanchez de Porçello»,
«Diego Sanchez de Porçello nonbro a Juan
Garçia Gelado», «y en Porzello nonbro a