Diccionariu toponímicu del conceyu de Xixón _bicolor_ - El Comercio

Diccionariu toponímicu del Conceyu de Xixón
Piles y l’arenal, hasta llegar a Xixón, onde
cebaba les dos fontes principales de la villa,
la de La Plaza o San Llorienzo, y la de La
Barquera.
●Documentación histórica del topónimu: en
documentu del Monesteriu de Santa María
de la Vega, añu 1508, lléese: «e de la parte
de avaxo, por el rio de la Gua, que viene de
la fuente de Santyso para la dicha aldea».
El diccionariu xeográficu de Madoz (1845-
50) recueye: «mas arriba hacia el S. [el río
Piles] tiene el puente llamado Guia de
piedra y de un solo ojo».
L’Hombrucu
Llugar de la parroquia de Deva, barriu de
La Olla.
●Formación del topónimu: aparentemente,
hai tres posibilidaes d’interpretación: o bien
hombrucu entendío como diminutivu de la
palabra castellana hombre (en cuenta del
asturianu home) col sufixu -ucu,
designando daqué característica del terrenu
que paez una figura humana; o bien
hombrucu entendío como diminutivu
d’hombru col mesmu sufixu, designando
una característica del terrenu que paez un
hombru o costazu; o bien un herederu del
llatín ŬMBRA ‘sombra’, por tratase acaso d’un
sitiu onde da poco’l sol.
●Etimoloxía: el castellanu hombre y
l’asturianu home proceden del llatín
HŎMĬNEM [óminem], del mesmu significáu;
hombru vien del llatín HŬMĔRUM o ŬMĔRUM
[úmerum], del mesmu significáu; y el llatín
ŬMBRA significa ‘sombra’.
L’Hortañín
Llugar de la parroquia de Llavandera, barriu
de Llavandera.
●Formación del topónimu: anque nun ye
palabra d’usu común nel asturianu actual,
ye fácil ver nesti nome un deriváu
diminutivu del sustantivu asturianu güertu
‘terrenu acotáu pa semar’, ‘prau nun
puertu, cuestu y con peñes alredor’.
●Etimoloxía: güertu vien del llatín HŎRTUM
‘güertu o xardín’. El sufixu diminutivu -ín
vien del llatín -ĪNUM [-ínum].
●Otres observaciones sobre’l nome: nos
mapes conseñábase como «Los Artañinos».
L’Humedal
103
Llugar del distritu Centro, barriu d’El
Centro.
●Formación del topónimu: d’una primer
güeyada, L’Humedal paez derivar del
axetivu asturianu húmedu, por designar un
sitiu aguanosu o enllamargáu, lo que ye un
fechu históricu bien constatáu. Pero esa
relación con húmedu nun ye más qu’una
falsa apariencia. Nun hai duda de que
L’Humedal ye una alteración del primitivu
L’Umedal o L’Omedal, formáu a partir del
sustantivu asturianu umeru ‘Alnus
glutinosa, árbol de corteya escuro y fueya
pegañoso que medra xeneralmente al par
de los regueros’ (en castellanu «aliso»),
‘Salix atrocinerea, árbol que tien les cañes
con llanuxu y la fueya verde escuro per un
llau y más claro pel otru’ (en castellanu
«sauce ceniciento»); ver Los Umeros.
D’acordies con esto, la ortografía correcta
sería más bien L’Umedal, pues umeru y los
sos derivaos nun lleven «h». De fechu, los
datos llingüísticos históricos de los que se
dispón apunten más bien al árbol llamáu
umeru. Un sitiu pobláu d’umeros llámase
umeral y tamién umedal, en castellanu
«alisal». En 1697 y époques posteriores
documéntase «Huelga Omeda», onde ta
presente la palabra güelga ‘sitiu mui
húmedu’ (ver La Güelga), pero non nada
que ver con húmedu. Nel planu de Ramón
Lope de 1812 conséñase «Zanja de los
Omedales». Pela so parte, Xovellanos
escribe nun manuscritu «Humeral», que
nun fai referencia a húmedu, a pesar de la
«h». Nel «Plano de la Villa y Puerto de
Gijón», de Sandalio Junquera Huergo y
Alonso García Rendueles, de 1836, yá
apaez «el Humedal», y «Calle del
Humedal» ye lo qu’escribe Lucas María
Palacios nel so planu de 1866. En resultes
d’estos datos, lo más seguro ye que se
designare al principiu un sitiu pobláu
d’umeros, y d’aende’l topónimu L’Umeral o
L’Umedal. La confusión con húmedu foi
fácil, al haber una asemeyanza fonética
ente los dos términos, favorecida pol fechu
de que, n’efectu, constátase hasta fines del
sieglu XVIII una güelga o sitiu húmedu y
llamargosu, y tamién pol fechu de que
l’umeru crez en sitios húmedos. Arriendes
de tolo dicho, resulta que humedal pa
referise a un sitiu húmedu ye palabra