Diccionariu toponímicu del conceyu de Xixón _bicolor_ - El Comercio

Diccionariu toponímicu del Conceyu de Xixón
●Formación del topónimu: palabra non
reconocible nel asturianu actual fuera del
usu como topónimu.
●Etimoloxía: esti topónimu pue tener dos
interpretaciones. Per un llau, pue ser una
alteración de prau redondu, onde la palabra
prau desgástase anómalamente al perder
l’acentu propiu y apoyase nel axetivu,
pasando per formes como *pra- o *pre-,
que desemboquen nesi elementu pe-. Per
otru llau, pue ser alteración de pandu
redondu, con un desgaste mui asemeyáu
de pandu, que daría llugar a formes como
*pan-, *pa- o’l definitivu pe-. La etimoloxía
de prau ye’l llatín PRĀTUM [prátum], que
significaba lo mesmo que n’asturianu; pa la
etimoloxía de pandu, ver Pando. Pela so
parte, l’axetivu redondu tien les variantes
reondu y riondu, ésta última presente nel
topónimu; pa la so etimoloxía, ver El
Campurriondu.
Pescadores
Llugar del distritu Oeste, parroquia urbana
de Jove / Xove, barriu de Xove de Riba.
●Formación del topónimu: encurtiamientu
de la espresión «Barrio de Pescadores» o El
Barriu Pescadores, onde apaez el sustantivu
asturianu pescadores, plural de pescador
‘persona que pesca’.
●Etimoloxía: pescador vien del llatín
PĬSCATŌREM [piskatórem], del mesmu
significáu; el plural pescadores vien de
PĬSCATŌRES [piskatóres].
●Referencia al llugar: el barriu construyóse
por iniciativa del Ayuntamientu y l’Institutu
Social de la Marina ente 1946 y 1950, con
134 viviendes destinaes a portuarios y
pescadores. Depués, en 1955,
llevantáronse les 114 viviendes del cercanu
Portuarios.
●Otres observaciones sobre’l nome: el
nombre oficial del barrio es «Grupo Virgen
de la Soledad». El terrenu primitivu
llamábase Los Praos de Pachón y
Praupachón.
La Pica Corros
Llugar de la parroquia de L’Abadía Cenero,
barriu de Riera.
●Formación del topónimu: topónimu
compuestu formáu por dos elementos. El
primeru ye’l sustantivu asturianu pica, que
152
tien delles acepciones; la más xenérica ye
‘parte cabera y aguzada de daqué’,
qu’aplicao al terrenu pue designar
cualesquier forma aguzada d’una peña o
d’un monte; otres acepciones refiérense a
ferramientes o aperios más o menos
aguzaos, como ‘aperiu que se compón d’un
mangu y una pieza de fierro que tien per
un cabu picu y pel otru una pieza plana con
corte asemeyada a la fesoria’, ‘ferramienta
que s’emplega na albañilería y que se
compón d’un mangu y una cabeza que per
un llau ye picuda y pel otru aseméyase a un
hachu’. El segundu elementu ye’l sustantivu
asturianu corros, plural de corru; ver Los
Corros. Prescíndese de la preposición de
(sería de mano La Pica de Corros), fechu
mui corriente nel asturianu cuando ta
precedida de vocal: un vasu lleche, la casa
Xuan, etc. Esti topónimu escríbese en
palabres xebraes, porque caúna d’elles
caltién el so acentu propiu, nes sílabes «pi»
y «co».
●Etimoloxía: pica y picu relaciónense col
verbu picar, que significó primero ‘cutir con
daqué aguzao’, y d’aende ‘comer
espicotiando’, ‘golpiar, cutir’, ‘tarazar’,
‘esñizar’. Pica y picu puen referise a la parte
cimera d’un monte, pola asemeyanza con
un picu o ferramienta aguzada, anque
tamién hai, de xuru, una influencia de picu
‘boca de los páxaros’, que provién del
célticu BECCUS; ver tamién Los Picos. Pa la
etimoloxía de corros, ver Los Corros.
●Referencia al llugar: monte despobláu que
s’asitia enfrente La Teyera los Pinares. Nél
hai una cantera de tritu. Ye’l llugar onde
nos años 80 del sieglu XX se proyectó
afincar el vertederu de la empresa
«Cogersa», que depués se llevó pa Serín.
●Otres observaciones sobre’l nome: na
cartografía oficial apaecía hasta agora como
«Monte Pica».
La Pica la Mayida
Llugar de la parroquia de L’Abadía Cenero,
barriu de Peñaferruz.
●Formación del topónimu: topónimu
compuestu formáu por dos elementos. El
primeru ye’l sustantivu asturianu pica (ver
La Pica Corros). El segundu ye κ mayida,
palabra que nun ye d’usu común, que nun
paez tener relación con mayada ‘pradería
qu’hai en monte onde se recueye’l ganáu’