Diccionariu toponímicu del conceyu de Xixón _bicolor_ - El Comercio

Diccionariu toponímicu del Conceyu de Xixón
templu o capa pequeña’, diminutivu de
CAPPAM [káppam] ‘capa’; ver La Capilla.
●Otres observaciones sobre’l nome: nos
mapes oficiales apaecía «Los Capellanes»,
en masculín.
La Capilla
Llugar de la parroquia de L’Abadía Cenero,
barriu de Picún.
●Formación del topónimu: trátase de la
palabra castellana CAPILLA, mui usada na
toponimia asturiana en cuenta de
l’autóctona capiella, capiya o capía ‘ilesia
pequeña non parroquial’, ‘edificiu o parte
d’un edificiu que s’emplega como ilesia y
que ye d’usu particular’.
●Etimoloxía: lo mesmo’l castellanu CAPILLA
que l’asturianu capiella, proceden del llatín
serondu CAPPĔLLAM [kappél lam] ‘capiella,
pequeñu templu o capa pequeña’,
diminutivu de CAPPAM [káppam] ‘capa’, en
referencia al cachu de capa que Samartín
dio a un probe y al pequeñu templu que se
llevantó pa guardar esa reliquia. Les
variantes asturianes capiya y capía tendríen
orixe na mesma palabra, pero más bien con
un sufixu diminutivu -ĪCŬLAM [-íkulam], en
llugar de -ĔLLAM.
●Referencia al llugar: la xente fala de que
nesti llugar hebo cuantayá una ilesia
dedicada a San Antón, que desapaeció
antes de la Guerra Civil, conservándose
restos en terrenu, onde agora hai un
depósitu d’agua abandonáu.
El Caravacu
Llugar del distritu Oeste.
●Formación del topónimu: palabra non
reconocible nel asturianu actual fuera del
usu como topónimu. Ye posible que se trate
del sustantivu asturianu cádaba o cádabu,
nome d’una planta (en castellanu
«árgoma» o daguna asemeyada),
qu’orixinariamente debía ser *cáraba o
*cárabu; ver Caraveo. La terminación -acu
nun ye más que’l conocíu sufixu asturianu
de conteníu diminutivo-despectivu (como
en perru → perracu, pueblu → pueblacu,
etc.).
●Etimoloxía: pal orixe de cárabu o cáraba,
ver Caraveo.
●Otres observaciones sobre’l nome: si se
confirmare la etimoloxía de *cárabu o
*cáraba, esti topónimu taría meyor escritu
con «b» (El Carabacu), puesto que na
ortografía normativa recoyida nel DALLA,
cádabu o cádaba escríbense con esa lletra;
ver Caraveo.
CARAVEO
Barriu de la parroquia de L’Abadía Cenero.
Códigu alministrativu: 24.05.05. Nome
oficial anterior: «Caravedo».
●Formación del topónimu: trátase del
sustantivu asturianu carabeo, variante de
carabéu, que lo ye al empar de cadabéu
‘sitiu pobláu de cádabes o cádabos’. Cádaba
o cádabu significa ‘Ulex europaeus, planta
de flores pequeñes de color mariello, con
munchos pinchos’, ‘tallu secu o xamuscáu
de la Ules europaeus’ (en castellanu «tojo»
o «aulaga»); en realidá, la forma orixinaria
debió ser *cáraba o *cárabu. La
terminación -eo o -éu tien un conteníu
colectivu, pa referise a un sitiu onde
abonda daqué, nesti casu cádabes o
cádabos.
●Etimoloxía: cáraba y cárabu, y les sos
formes alteraes cádaba y cádabu, tendría’l
so orixe nuna desconocida palabra
prerromana de la que deriva tamién
l’asturianu carba ‘monte, maleza’, ‘terrenu
con monte y maleza’ o carbayu ‘Quercus
robur, árbol’ (castellanu «roble»).
●Referencia al llugar: esistió equí un
antiguu monesteriu na Edá Media.
●Documentación histórica del topónimu: ye
posible qu’esti topónimu seya’l qu’apaez
llatinizáu nun documentu del Monesteriu de
San Vicente d’Uviéu-1 del añu 1046: «per
termino de Goue qui est prope riba maris
ad sursum, per ribulo Caraueto usque se in
pena Gacoi…». Otres referencies posibles
son les qu’apaecen nel Llibru del Cai, añu
1571: «Joan Gonzalez de Carabedo, juez
ordinario», «Juan Gonzalez de Carabo [sic,
ha ser equivocu]».
●Otres observaciones sobre’l nome: dao
que’l DALLA recueye cádabu, cádaba y
cadabéu con «b», esti topónimu tendría
que s’escribir más correctamente con esa
lletra (Carabeo). Per otru llau, el nome
oficial hasta agora, «Caravedo», mantenía
una -d- inesistente na fala popular.
51